Најдобрите се приклучуваат во фудбалските Купови: некои екипи немаат право на грешка

Овие неколку дена во центарот на вниманието на фудбалската јавност на стариот континент, се натпреварите во фудбалските купови во најфудбалските земји. Во овој период во куповите се приклучуваат и екипите од најдобрите лиги, што значи дека има еден куп интересни и привлечни натпревари.

Англија – ЛИГА КУП

Претставниците на британската елита пропуштија 128 натпревари од Лига купот оваа сезона. И сега, во текот на последните две фази повеќето од нив се натпреваруваа против значително послаби екипи од нив, но затоа сега во 1/16 финалето има неколку страшни парови како на пример Лестер – Ливерпул или ВБА – Манчестер Сити, Но љубителите на изненадувања подобро да обрнат внимание на “Болтон”, “Нотингем Форест” или “Лидс”.

Еден од поинтересните дуели ќе биде оној меѓу ВБА и Сити. На почетокот на сезоната, “Вест Бромвич” во Премиер Лигата победи двапати на сосема карактеристичен начин за нив: затворајќи се, постигнувајќи еден гол, а потоа затворајќи се уште повеќе. Од тне одат толку добро со тој систем на игра па во последните три меча ВБА одигра две нерешени средби и забележа еден пораз.

Во исто време, момците на Тони Пулис не ја изгубија хармонијата, бидејќи се на се ВБА има одличен старт на сезоната и старт над своите очекувања. Но сега пред нив е нов предизвик, меч во англискиот Куп против Манчестер Сити кој е апсолутен фаворит за победа. Интересно, ВБА е еден од омилените противници на Сити, бидејќи последниот пораз Сити од оваа екипа го доживеа во 2010 година, а од тогаш забележа 13 победи и една нерешена средба, а веќе е во серија од 11 победи по ред над ВБА со гол разлика 31:7.

Се на се, имаме класичен дуел на оган и мрази се знае кој е фаворит на овој дуел, без разлика што Гвардиола ќе направи неколку ротации во својот тим.

Шпанија – КОПА ДЕЛ РЕЈ

Бројот на натпреварувачи е строго ограничен во најатрактивниот шпански Куп, Копа дел Реј за разлика од куповите во Англија. Освен тимовите од најдобрата лига, сите клубови во Сегунда Дивизион, тука се единствено најдобрите претставници на Сегунда Дивизион Б и победниците на Терчера Дивизион. Во моментов нема вистински дерби дуел, бидејќи екипите од Ла Лига се приклучуваат наредната рунда, па во моментов главното прашање е до каде се спремни да одат тимовите од пониските лиги, како дали некој конечно ќе ја урне Барселона, победникот на последните три купови? Можете да обрнете внимание на мечот помеѓу Кордоба и Tенерифе, бидејќи овие две екипи играа меѓусебе пред само 3 дена во втората лига и на тој меч славеше Кордоба во доста убедлива игра.

Португалија – ЛИГА КУП

Португалскиот Лига куп е релативно ново натпреварување, бидејќи почна да се одржува во 2007 година. Во него учествуваат само претставници на двете најдобри лиги. Две нокаут круга веќе се зад нас и само 16 екипи останаа во живот и тие сега се поделени во четири групи. Најинтересна е групата А каде се наоѓаат Бенфика и Брага, а Бенфика е седумкратен освојувач на трофејот. Овој Куп доста се разликува од останатите бидејќи има групна фаза, поради тоа е интересен но и тежок за обложување, бидејќи многу често фаворитите знаат да кикснат играјќи со слаби состави и знаејќи дека имаат шанса за поправен.

Холандија – КНВБ КУП

Неколку фази од Купот на Холандија се веќе зад нас. Сега, во 1/32 финалето се приклучуваат сите клубови на елитната Ередивизија и сите играат против екипи од понизок ранг на натпреварување. Интересно ќе биде да се види која екипа фаворит од елитата ќе киксне прва, а тоа сигурно ќе се случи бидејќи секоја година уживаме во големи изненадувања во холандскиот Куп и сме сведоци на победи на аматерски екипи врз професионални екипи дури и од Ередивизијата.