Импресивниот старт на сезоната на Шкендија беше награден на ждрепката во Нион, кога македонскиот вицешампион го доби Милан за противник во плеј-офот за пласман во Лигата на Европа. Така авантурата на Шкендија по Хелсинки и Вилнус продолжува во светската модна престолнина Милано.
Шкендија е во одлична форма
Се знае кој е фаворит на овој меч и околу таа тема е илузорно да се пишува, но како тргна Шкендија оваа сезона, тешко дека Милан ќе си помине толку лесно како што очекуваат од италјанскиот тим, па и како што предвидуваат фудбалските експерти и букмејкерите. Колку и да звучи лудо, од обложувачки аспект и Шкендија си има свои предности на овој меч. Македонскиот тим имаше долги и одлични подготовки, а на пријателските средби во Словенија одигра три пати нерешено со Бад Радкерсбур, Интер Запрешич и со Марибор. Следуваа натпреварите во Лигата на Европа каде Шкендија влезе со аутсајдерска улога но го елиминираше молдавскиот шампион Дачија со вкупни 7:0. Следни на ред беа фаворизираните финци од ХЈК Хелсинки кои беа елиминирани со 4:2, за во предходното коло на списокот на елиминирани екипи да се додаде и литвански Тракаи со вкупни 4:2. Ако на ова се додаде и победата против шампионот Вардар со 2:0 во првото коло од домашниот шампионат, јасно е дека Шкендија предводена од одличниот стратег Ќатип Османи е во одлична форма, а што е најважно и во полн натпреварувачки ритам и ако баравме некоја предност за македонскиот тим, ја најдовме токму тука.
Османи нема посериозни проблеми со своите фудбалери, ако не се смета тешката повреда на Вујчиќ кој е важен дел од овој тим, но сепак и без него Шкендија покажа дека може да игра врвен фудбал.
Единствено што овој тим не го научи ниту сега ниту во предходните сезони, е тоа што не се победува само со добар напад. Веќе на сите им е јасно дека Шкендија има слаба одбрана и секогаш своите надежи ги полага во постигнување на гол повеќе од противникот, но со таква игра не може да му се парира на Милан, па нема да биде чудно доколку Османи се реши и на промена во формациската поставеност и брзи контра напади преку Ибраими, Хасани, Радевски и Жуниор. Според тоа првите 11 кој ќе истрчаат на Сан Сиро ќе зависат токму од формациската поставеност и тактичката определба.
Можен состав:
Формација 4-3-2-1 ( офанзивна варијанта )
Захов; Тодоровски, Бејтулаи, Цуцули, Челикович; Алими, Хасани, Тотре; Ревски, Жуниор; Ибраими
Формација 5-4-1 ( дефанзивна варијанта )
Захов; Тодоровски, Бејтулаи, Цуцули, Теќа ( Бојку ), Челикович; Жуниор, Алими, Хасани, Радевски; Ибраими
Милан атакува на трофејот во Лига Европа
За Милан не треба да се трошат премногу зборови. Овој тим полека но сигурно се враќа на старата слава и сезонава беше еден од најактивните на трансфер пазарот, конечно создавајќи тим кој ќе може да го симне Јувентус од тронот во Серија А. Италијанскиот гигант летово потроши околу 200 милиони евра за нови фудбалери меѓу кои Бонучи од Јувентус, Андре Силва од Порто, одличните Конти и Кеси од Аталанта, Чалханоглу од Леверкузен, Мусачио од Виљареал, Родригез од Волфсбург, Бглија од Лацио и уште неколкумина помлади фудбалери. Иако на тимот ќе му треба подолго време да се воигра и да ги прикаже на терен замислите на Монтела, оваа екипа е толку квалитетна што не само што очекува лесно да ја мине Шкендија, туку амбициите се освојување на титулата во ова натпреварување и во Серија А.
Во подготвителниот период екипата одигра шарено забележувајќи по две победи и порази. Милан беше подобар од Лугано и од Баерн Минхен и тоа славејќи на двете средби со убедливи 4:0. Поразите пак дојдоа од Дортмунд со 3:1 и на генералката пред овој меч со Шкендија против Бетис со 1:2. Покрај овие дуели Милан во третото коло на Лигата на Европа на два пати беше подобар од романска Краиова славејќи со вкупни 3:0. Сепак овие две официјални средби покажаа дека на тимот ќе му треба многу повеќе време за да создаде компактност помеѓу староседелците и новите засилувања. На првиот меч во Романија, Милан славеше со 0:1 но во еден крајно израмнет меч, а гледано статистички романците беа дури и подобри во некој сегменти. На реваншот на преполниот Сан Сиро, Милан беше подобар и славеше со 2:0, но повторно имаше далеку поголеми проблеми од очекуваните.
Сепак и покрај тоа предупредување се чини дека Милан на некој начин ја потценува Шкендија, а за тоа доволно говори и тоа што за разлика од мечот со Краиова кога Сан Сиро беше речиси исполнет до последното место ( 65.673 – рекорд за квалификациите за Лигата на Европа), сега за мечот со македонскиот тим продадени се само околу 28.000 влезници, по што од тимот на официјалната веб-страница јавно побараа од навивачите да дојдат во поголем број на „Сан Сиро“.
Можен состав:
Формација 4-3-3
Донурама; Конти, Мусачио, Бонучи, Родригез; Кеси, Бонавентура, Монтоливо; Сусо, Нианг, Куртоне ( Андре Силва )
Сите предвидуваат висока победа на Милан
Букмејкерите нормално им даваат големи шанси на Милан за чија победа коефициентот е само 1.17 во бет365 со индиции да паѓа уште повеќе. За реми е 6.50, додека за победа на Шкендија коефициентот во бет365 е дури 17.00.
Наш предлог:
Полувреме / крај 1-1 Милан @ 1.58
За оние похрабрите предлагаме:
Двата тима да постигнат гол @ 2.63
Be the first to comment