Денес се играат последните натпревари од првиот круг на Европското првенство, а ние за вас ќе го анализираме дуелот помеѓу Турција и Грузија.
Турција нема право на кикс
Турција беше големо изненадување во квалификациите и полесно од очекуваното се пласира на Европското првенство. Беше во релативно тешка група и заврши на првото место пред Хрватска, која беше фаворит. Винченцо Монтела одлично ја води репрезентацијата, направи компактна група, го има Чалханоглу како лидер, а тука е и младата ѕвезда на Реал Мадрид, Арда Гулер. Туција дури и ја победи Германија на гости во пријателски меч пред неколку месеци, но од тогаш значително падна во формата и нема победа. Во подготвителниот период играше бледо, но имаат израмнета група и големи шанси за второто место. Меѓутоа, немаат право на кикс на овој меч бидејќи играат против најслабиот тим во групата и се големи фаворити. Сигурно ќе имаат голема поддршка од трибините, бидејќи Турција на овие натпревари ќе игра како дома. Во Германија живеат огромен број на Турци, па нивните навувачи ќе доминираат на трибините.
Самото учество на ЕП е успех за Грузија
Грузија направи историски успех и се пласира на Европско првенство, каде важи како аутсајдер, но сигурно ќе сака да остави добар впечаток. Играше бараж исто како пред четири години, кога беше елиминирана во баражот од Македонија. Овој пат Грузија ја елиминира Грција во баражот ( и тоа по Грчки со 1:0) за историски успех на Кварацхелија и дружината. Токму играчот на Наполи е главна ѕвеза во репрезентацијата и се зависи од него во играта. Самото учество на Европско првенство е голем успех за Грузија, но далеку дека станува збор за среќа или случајност. Ова држава со помош на УЕФА веќе неколку години многу вложува во фудбалот. Во 2017 година репрезентацијата на Грузија до 17 години изненади и заврши на прво место пред репрезентации како Португалија, Холандија и Белгија. Поради тоа не е изненадување што оваа генерација направи историски успех и сигурно нема лесно да се предадат и лавовски ќе се борат во сите три меча од групата, а потајно се надеваат и на нокаут фаза.
Очекување
Според квалитетот и искуството Турција е голем фаворит на овој меч, но и Грузија има свои адути, особено од контранапади, па очекуваме возбудлив и ефикасен меч.
Be the first to comment