И денес во фокусот ќе бидат натпреварите од квалификациите за Европско првенство, а ние за вас ќе го анализираме балканското дерби помеѓу Црна Гора и Србија.
Двете репрезентации во овој дуел влегуваат после победа во првиот меч од квалификациите. Ова е исклучително израмнета група, каде покрај овие репрезентации за првите две места ќе се борат уште Унгарија и Бругарија, па поради тоа овој дуел ќе биде од исклучително значење за двете селекции.
Црна Гора одигра одлично против Бугарија
Репрезентацијата на Црна Гора на извонреде начин ги отвори квалификациите со победа во Разград против Бугарија. Оваа победа на гостински терен додатно ги поткрена апетитите на Црна Гора, па во вака израмнета група сигурно гледа шанса за пласман на Европското првенство. За таа цел ќе мора да ги добие скоро сите натпревари на домашен терен, а сега на гости им доаѓа фаворитот во групата. Соседските односи се само додатен мотив и Црна Гора сигурно ќе даде се од себе за да ги освои трите бода. Атмосферата во таборот е одлична после првиот меч, но сигурно нема да биде лесно да се победи репрезентацијата на Србија. До сега овие две репрезентации одиграле само два межусебни натпревари и два пати славеше Србија. Сепак, Црна Гора ќе сака да докаже дека победата над Бугарија не е само случајност и дека има квалитет.
Србија е прв фаворит во групата
Србија е прв фаворит во групата и во првиот меч го покажа тоа против Латвија каде запиша лесна победа во Белград. Според квалитетот се очекува „орлите“ да се борат за првото место во групата со Унгарија, но ова гостување ќе биде еден од најтешките натпревари во целиот циклус на квалификации. Избраниците на Стојковиќ секако дека ќе одат на победа, бидејќи квалитетот е на нивна страна, а и во Подгорица сигурно ќе се чуствуваат како дома. Србија игра добро на гостувањата, па на последните пет меча на гостински терен запиша четири победи, па поради тоа се фаворити на овој меч. Србија во овие квалификации влезе со нова енергија, па очигледно дека неуспехот од Мундијалот е веќе заборавен. Костураот на репрезентацијата го сочинуваат главно млади фудбалери кои играат во големи клубови, па од оваа репрезентација со право очекувањата се големи.
Очекување
Според квалитетот и формата сигурно дека Србија е фаворит, но во соседските дербија е секогаш тешко да се победи бидејќи мотивот на двете репрезентации е огромен. Поради тоа очекуваме возбудлив меч со голови на двете страни.
Be the first to comment