Актуелниот шампион на Шведска, тимот на Малме е домаќин на Елфсборг во рамки на второто коло на шведскиот шампионат. Овој дуел воедно е и дерби на колото, ако се знае дека Малме сака одбрана на титулата, додека Елфсборг сезонава ќе брка излез во Европа.
Малме стартуваше шампионски
Екипата на Малме со победа ја стартуваше новата сезона во шведската Алсвенскан лига. Тие славеа над Калмар на гости со 0:1 и сега имаат за цел да слават победа и пред своите навивачи против тимот на Елфсборг.
На тој натпревар, Малме не изгледаше одлично, но знаеше што сака и како да дојде тоа тоа. Имаше 44% посед и веројатно свесно им го препушти поседот на фудбалерите на Калмар кој во поголемиот дел од мечот го диктираа темпото. Сепак, Малме имаше 15 обиди кон голот на Калмар и беа доста конкрентни во своите акции. Како за прв меч, сепак сите во Малме се задоволни, бидејќи ја исполнија целта – три бода. Стрелец за Малме беше Исак Кизе Телин во 76-та минута. Токму Телин кој е повремен репрезентативец на Шведска е најголемото засилување за тимот сезонава. Имаше одлична сезона во ОАЕ, пред да дојде во Малме и веќе на двата стартни меча, во купот и во лигата, постигна по еден гол.
На овој меч, речиси се е на страната на домаќинот кој не изгубиле во лигата од Елфсборг во последните 3 натпревари.
Елфсборг со крајно тешка задача
Откако беа поразени во нивниот прв сезонски меч од Мјалби на домашен терен, Елфсборг ќе се надева дека ќе ги сврти работите во Малме, но јасно е дека ги очекува една крајно тешка задача.
Елфсборг беше надмоќен на првиот меч во сите фудбалски сегменти и статистички податоци. Ја имаа топката во свој посед, а имаа и еден куп шанси пред противничкиот гол. Сепак, Мјални кој како аутсајдер дојде на тоа гостување, славеше победа од 0:2.
Статистиката не лаже – ако Елфсборг има постигнато голови во речиси сите натпревари пред сезоната и во Купот и во пријателските дуели, дефанзивата е нивната слаба страна. Имаат доста слабости во последната линија и доколку сакаат да ја остварат целта, а тоа е излез во Европа ќе мораат да се поправат во тој дел од теренот.
Минатата сезона беше разочарување за нив, откако во последните неколку кола ја испуштија шансата да играат во Европа и завршија на 4-то место, но сезонава очекувањата се дека ја научиле лекцијата и ќе бидат подобри.
Be the first to comment