На големиот македонски празник, 11-ти Октомви, Македонија ќе ја пречека Германија во Скопје во раки на квалификациите за пласман на СП следната година во Катар.
По триумфот во Дуизбург кога го шокиравме целиот фудбалски свет, денес повторно очите на целокупната светска спортска јавност се свртени кон Македонија и не попусто овој меч е оквалификуван како еден од најинтересните во денешната програма.
Нека се повтори мечот од Дуизбург
Оној триумф во Германија од 1:2, сеуште ги милува душите на македонските фудбалер, а разгорува оган кај германците. Тешко ќе биде да се репризира тој резултат, без разлика што играе сега на домашен терен, пред своите навивачи но желбата и мотивите кај македонските фудбалери се на највисоко можно ниво. Тогаш, во Дуизбург предводени од Игор Ангеловски го шокиравме светот, а сега Боби Милевски сака повторно позитивен резултат, што секако ќе биде и ремито. Како одигра Македонија под водство на Милевски на првите четири меча, дефинитивно може да се надева на позитивен резултат. Евидентен е напредокот во играта, без разлика што имаме три ремија и само една победа на четирите меча под водство на Милевски. Ако реализацијата е на потребното ниво и Македонија ги искористи своите шанси, тогаш се е можно.
Македонија со реални шанси за пласман на второто место
Во моментов Македонија е втора на табела и тоа е најважно. Имаме 12 бода колку што има и Ерменија но подобра гол разлика.
И во случај да не извлечеме макар бод со „панцерите“ кои во Скопје доаѓаат во полн состав, ни остануваат големи шанси на крај на квалификациите да бидеме на второ место кое води во баражот за Светско 2022.
Денс и Романија ќе игра против Ерменија, а Исланд со Лихтенштајн. На првиот дуел најмногу би ни одговорало реми во Букурешт. Во тој случај, со две победи против Ерменија и Исланд следниот месец, Македонија сигурно ќе го освои второто место.
Без Барди, ќе биде тешко во средината
Барди нема да игра на овој меч и тоа ќе биде голем проблем во организацијата на играта. Но тука се Адеми, Елмас и веројатно Николов кој ќе го понесат товарот во тој дел од теренот. По суспензијата во првиот тим се враќа Муслиу кој заедно со Велковски, Алиоски и Ристовски ќе бидат последниот бедем пред голот на Столе Димитриевски. Прашања има во офанзивата, каде Трајковски и Чурлинов би требало да играат на крилните позиции. Но кој ќе биде најистурен во нападот. Јаховиќ е логично решение поради неговото искуство, но можно е да стартува Миоски кој дебитираше против Лихтенштајн, а побрз и поагилен од Јаховиќ. Токму брзина и агилност ќе ни биде потребна на овој меч.
Флик ја препороди Германија
Германија под водство на Флик се препороди и по настапот на ЕУРО 2020 има максимални четири победи со неверојатна гол разлика, 14:1. Славеа над Лихтенштајн со 0:2, над Ерменија со неверојатни 6:0, над Исланд со 0:4 и пред некој ден против Романија со 2:1. Но токму на овој последен меч, Германија се мачеше. Романија водеше со 1:0 по само 9 минути игра, за во второто полувреме со головите на Гнабри и Милер, Германија да ги освои трите бода. Најавите се дека Флик ќе ја нападне Македонија и ќе стартува офанзивно со Сане, Гнабри, Милер и Вернер во нападот. Мали проблеми има во средината каде го нема Гундоган, но тоа не би требало да се осети премногу на теренот. Едно е јасно Германија ќе напаѓа, а Македонија преку брзи контра напади треба да ја бара својата шанса во офанзива.
Be the first to comment