Лихтенштајн – Македонија: Се освен убедлива победа, ќе биде чудо

октомври 8, 2021 Jovica Анализа на натпревари

Македонија гостува кај аутсајдерот во групата Лихтенштајн, во меч кој мора да се победи во квалификациите за пласман на СП во 2022 година. Се е на страната на Македонија и се освен победа и тоа убедлива победа, ќе биде огромно изненадување.

По три ремија, време е за победа

Македонија ја надигра Ерменија, но не славеше победа. За мечот со Исланд не треба премногу да трошиме зборови. Водевме со 2:0, но по огромниот пад во последните 30 минути, освоивме само бод. Против Романија, се беше наклонето кон наша победа. Романија беше целосно надиграна, се редеа шанси пред нивниот гол, но затаи реализацијата.

Сега е време, по трите ремија во низа, Македонија да се врати на победите – а за тоа нема подобар противник од Лихтенштајн. Не само што Македонија треба да слави победа, туку таа треба да биде лесно извојувана и убедлива. Нема сомнеж дека Лихтенштајн ќе падне, а целта на Македонија ќе биде ран гол, за да го отвори противникот и да не му даде шанса за мотивација.

Регистрирај се денес и земи 25 евра бонус во Bet365

Без Барди, но со Ракип

Без Барди нема да биде исто, но против селекција како Лихтенштајн тоа не би требало да се осети. Затоа тука е Ракип, кој добива шанса да се докаже во репрезентативниот дрес. Фудбалерот на шведски Малме со потекло од Ресен ја прифати понудата на селекторот Благоја Милевски и конкурира за настап на натпреварите на македонската А репрезентација против Лихтенштајн и Германија. Можно е Милевски да му даде шанса од стартот, особено што ќе играме против слаб противник. Тоа ќе биде можност за Ракип да се наметне во средината. Дури и да старува нан клупата, сигурно ќе добие шанса на овој меч.

Традицијата најавува убедлива победа

Ако се погледне традицијата, Македонија и тоа како има огромна фаворитска улога против Лихтенштајн. Во досегашната меѓусебна историја, Македонија во десет меча има девет победи против Лихтенштајн и само едно гостински реми со вкупна гол разлика од 38:5 во корист на македонскиот национален тим.

Една од најубедливите победи е и онаа последната во актуелниот квалификациски циклус во март кога Македонија во Скопје триумфираше со 5:0 со головите на Енис Барди, двата гола на Трајковски, Елиф Елмас и Илија Несторовски. Мора да напоменеме дека против Лихтенштајн е забележана и највисоката победа на македонскиот национален тим, онаа од 1:11.