Јанг Бојс – Клуж: По ремито во Романија, швајцарците се големи фаворити

август 10, 2021 Jovica Анализа на натпревари

Јанг Бојс се враќа на швајцарско тло по гостувањето во Романија кај Клуж, во битка за место во плејофот од Лигата на шампионите. Швајцарскиот шампион изгледаше надмоќно и на гостински терен, па сосема оправдана е нивната фаворитска улога на овој реванш натпревар.

Јанг Бојс е голем фаворит

Откако се спасија со реми 1:1 во Клуж минатата недела, Јанг Бојс направи голем чекор кон плеј-оф фазата, каде што ќе се соочи со Славија Прага или Ференцварош за место во Лигата на шампионите.

Винсент Сиеро погоди дури во 93-та минута, само кратко време откако влезе во игра, но речиси час и половина по голот на Кристијан Манеа уште во четвртата минута. Токму кога домашните изгледаа дека ја држат својата тесна предност, Сиеро донесе голема радост за својот тим и очај на трибините во Романија.

Но, Јанг Бојс беше доминантен на таа средба во секој поглед. Го контролираше натпреварот од самиот почеток, ја имаше топката во свој посет и редеше шанси пред голот на Клуж. Ако Јанг Бојс одигра на исто ниво и на домашен терен, нема сомнеж дека ќе дојде до победа.

Откако завршија пред Базел за да ја освојат четвртата последователна титула минатата сезона, тие ја започнаа новата домашна сезона променливо – го совлада Луцерн со 4:3 во воведниот натпревар, пред фрустрирачкото реми без голови со Грасхоперс и поразот од Сион од 1:0 викендов. Но од тимот смируваат и најавуваат дека целосно се фокусирани на пласман во групната фаза на Лигата на Шампиони.

Клуж во добра форма, но дали може против Јанг Бојс

За разлика од Јанг Бојс, Клуж веќе одигра 10 официјални натпревари сезонава и се наоѓа веќе во силен натпреварувачки ритам. Стартуваа од првото коло каде беа подобри од Борац Бања Лука, па го елиминираа Линколн од Гибралтар, за да закажат дуел со Јанг Бојс. Постојано ја подигаа формата и сега се наоѓаат во добар ритам забележувајќи шест победи и едно реми на последните седум натпревари.

Тие имаат неодамнешна историја со Јанг Бојс, бидејќи двојката претходно се сретна во ланската групна фаза од Лига Европа – со тоа што тимот од Трансилванија не успеа да победи ниту дома, ниту на гости.

Овој пат тимот повторно е аутсајдер, особено што на домашен терен и покрај ремито не покажа никаква игра пред противничкиот гол. Ако сакаат некаква надеж за пласман понатаму, Клуж ќе мора да го изведе најдоброто издание досега сезонава.