Освојувачот на ФА Купот, Лестер Сити и шампионот во Премиер лигата, Манчестер Сити ќе бијат битка во добро познатиот Комјунити Шилд на Вембли во сабота.
Традиционално, овој меч е најава за стартот на сезоната во една од најдобрите фудбалски лиги во светот, Премиер лигата.
Лестер го обезбеди својот прв трофеј во ФА Купот минатата сезона благодарение на победата од 1:0 над Челзи во финалето на 15-ти мај, додека Манчестер Сити на крајот заврши со 12 бода разлика од вториот Манчестер Јунајтед на врвот во Премиер лигата.
Лестер е аутсајдер, но …
Сезоната 2020-21 засекогаш ќе биде запаметена во историјата на Лестер, бидејќи Лисиците го освоија ФА Купот за прв пат во својата историја, но сезоната заврши разочарувачки во однос на Премиер лигата, со пораз од Тотенхем од 4:2 што значеше дека Лестер останува без Лигата на Шампиони.
Екипата на Брендан Роџерс на крајот заврши како петта, што значи дека оваа сезона повторно ќе играат во Лига Европа, а не во Лигата на шампионите, што изгледаше како голема можност речиси цела сезона.
Лестер сега се ресетираше за новата сезона и одиграа четири пријателски натпревари летово, губејќи ги првите два од Бартон и Викомб Вондерерс на 24-ти јули и 28-ми јули, пред да одиграат реми 3:3 против Квинс Парк Ренџерс.
Лисиците ги завршија подготовките за новата сезона со победата од 3:2 над Виљареал во средата, а во листата на стрелците се запишаа Каглар Сојунку, Харви Барнс и Ајозе Перез.
Тимот на Роџерс ова лето успеа да ги донесе Петсон Дака, Бубакари Сумаре и Рајан Бертранд, а пред затворањето на преодниот рок се очекуваат уште засилувања.
Сити сака старт со трофеј
Во меѓувреме, Манчестер Сити се обидува да го освои Комјунити Шилд по седми пат, откако претходно го подигна овој трофеј во 1937, 1968, 1972, 2012, 2018 и 2019 година.
„Граѓаните“ се покажаа премногу силни за останатите екипи во Премиер лигата минатата сезона и ќе бараат совршен почеток на новата сезона кога ќе отпатуваат кај Тотенхем на 15-ти август.
Екипата на Пеп Гвардиола, која го донесе Грилиш за неверојатни 100 милиони фунти, летово одигра само три предсезонски натпревари, со што ги започна своите подготовки на 27-ми јули со победата од 2:0 над Престон пред да слават со 4:0 над Барнсли минатиот викенд.
Манчестер Сити потоа забележа победа од 4:1 над Блекпул во вторникот вечерта и го гледа саботниот натпревар како финална подготовка за новата сезона во Премиер лигата.
Како што споменавме, договорот за Грелиш е веќе завршена работа, додека Кејн останува водечка цел. Ќе биде фасцинантно да се види дали гигантите од Манчестер ќе успеат да го ангажираат најдобриот англиски напаѓач. АКо дојде Кејн, тешко дека ќе се најде екипа во Англија која ќе може да ги сопре.
Be the first to comment