Португалија ќе сака да го резервира своето место во нокаут-рундата на Европското првенство веќе на натпреварот со Германија во Минхен во сабота вечер. Доволен ќе им биде и бод за да стигнат до целта. Но Германија допрва треба да игра со Унгарија, па и за нив ремито нема да значи неуспех, без разлика на поразот во првото коло од Франција.
Португалија ќе биде задоволна и со реми
Тимот на Фернандо Сантос ја отвори својата мисија на ЕУРО 2020 со победа над Унгарија со 3:0 во Будимпешта.
Португалија всушност се измачи и славеше дури во последните оменти од ечот. Нека не ве залажуваа таа висока победа, бидејќи првиот гол падна во 84-та инута. Откако Гереро го отвори резултатот, Роналдо постигна уште два гола и повторно тој беше клучот за португалската победа.
Екипата на Сантос со реми ќе обезбеди пласман во осминафиналето, а со победа ќе има големи шанси да заврши на првото место во најтешката група на шампионатот.
Португалија секогаш е добра во ова натпреварување, стигнувајќи до полуфиналето во 1984, 2000 и 2012 година, додека тие беа присутни во осминафиналето во 1996 и 2008. Португалија исто така беше вицешампион на домашно тло во 2004 и секако се актуелни шампиони откако ја победија Франција во финалето на ЕУРО 2016.
Екипата на Сантос сега има серија од седум натпревари без пораз во сите натпреварувања, но тие ги загубија сите последни четири натпревари со Германија, што секако е потенцијален проблем за нив.
Лев продолжува да разочарува
Германија, ќе влезе во овој клучен натпревар по поразот од Франција во вторникот со 1:0. Но Германија загуби со автоголот на Матс Хумелс на натпреварот во Минхен.
За волја на вистината, тоа беше разочарувачки настап од тимот на Јоаким Лев, кој се бореше да создаде можности и покрај доминацијата во погелем дел од натпреварот.
Германија нема да може да заврши на првите две позиции доколку го загуби овој натпревар и Унгарија не ја победи Франција, но третото место кое потенцијално може да донесе место во осминафиналето, сепак ќе биде можно.
Германија сака по четврти пат по ред да се пласира во нокаут-рундата на Европските првенства. Јоаким Лев и покрај критиките во последните две години во Германија, е селектор до голео искуство и ќе знае како да ја постави играта на овој меч. Освен тоа мечот се игра во Минхен, а тоа е голема предност за германците.
Прогноза
Ова е дерби на денот на ЕУРО 2020 и меч кој привлекува огромно внимание. Јоаким Лев си има големи проблеми со својата селекција, но и понатаму убедува дека Германија ќе ја мине групата. Ова е значаен меч за нив, но и за Португалија која би требало да биде задоволна и со реми во Минхен. Прендоста од домашниот терен е голема а германците, но тие ќе треба да поправат многу нешта за да дојдат до бодови против Португалија и Роналдо.
Be the first to comment