Во моментов највисоко рангираната нација во светот, Белгија која славеше во првите два натпревари на ЕУРО 2020 сака да го продолжи беспрекорниот тек на шампионатот и против Финска во понеделник.
Со доволно поени за пласман во осминафиналето, момците на Роберто Мартинез сега можат да го обезбедат првото место во групата Б или со нерешен резултат или со победа, додека нивните фински колеги мора да победат за да обезбедат пласман во следната фаза.
Белгија со две победи, но не импресионираше
Статусот пред турнирот белгијците ги смести меѓу фаворитите. До сега тој статус се оправда, но само на резултатски план, не и според игрите на селекцијата. Против Русија, Белгија беше доминантна, но головите ги постигна по почетнички грешки на руската одбрана за 3:0. Високата победа, па и не беше баш реален приказ на настаните на теренот.
Враќањето на Кевин де Бруин го инспирираше неговиот тим да се врати по негативата на стадионот „Паркен“ во Копенхаген. Белгија губеше со 1:0 по само две минути игра, но со головите на Торген Хазард и Де Бруин се случи целосен пресврт, на мечот кој беше целосно посветен на Кристијан Ериксен, кој продолжува да се опоравува по срцевиот застој на првиот меч на Данска.
Победувајќи ги Данците со 2:1 минатиот четврток, „црвените ѓаволи“ станаа првиот тим кој дојде до две победи на ЕУРО. Всушност, тие сега имаат вкупно 21 победа на последните 25 натпревари, а единствениот пораз во тоа време го доживеа на Вембли во Лигата на нациите минатиот октомври од домаќинот Англија.
Сепак, токму мечот со Данска откри многу слабости кај Белгија. Белгијците беа целосно надиграни во сите сегменти на фудбалската игра и за нивната победа највеќе заслужна е нивната среќа. Ако сакаат до златото, а реално имаат тим за такво нешто, фудбалерите на Мартинез мора да ги подобрат своите перфоманси.
Финска со реални шанси за пласман понатаму
На нивното деби на Европското првенство – всушност нивниот прв настап на кој било голем турнир – среќата на Финска беше измешана. Славеа против Данска во мечот на кои Ериксен доживеа срцев удар, па победата не им беше слатка. Загубија од Русија со 1:0, но имаа шанси за реми и покрај послабото издание. Сепак, останува голема надежта дека ќе можат да обезбедат пласман во нокаут фазата.
Нивниот втор последователен натпревар во Санкт Петербург – откако го загубија последниот – е од клучно значење. Ќе бидат задоволни и со реми кое многу веројатно ќе им обезбеди прогрес на ЕУРО.
Избраниците на Марку Канерва ќе поминат секако со победа – па дури и нерешено, но ако Русија загуби од Данска во другиот меч од групата Б. Во неверојатно сценарио од соништата, Финска всушност би ја предводела групата ако успее да слави победа над Белгија и Русија да не освои максимални три поени.
Прогноза
Теему Пуки, кој постигна 10 од 16-те гола на својата земја во квалификациите – вклучен во скоро 70% од нивните удари на патот до ЕУРО е клучот за успех на Финска. Но него го нема до сега на шампионатот и воопшто не се истакна со неговите игри. Тоа може да биде проблем за Финска, но тоа многу добро го знаат белгијците. Белгија особено ќе внимава на него и ако го затвори, како што тоа го направи Русија, ќе нема проблем да стигне до победата. Можно е артинез д аодмара некои од своите фудбалери, но тоа не ја намалува нивната фаворитска улога на овој меч, без разлика што веќе обезбедија пласман понатаму.
Be the first to comment