Во првиот натпрев на ЕУРО 2020 во среда ќе играат Русија и Финска. Ова воедно е и прв меч од второто коло на шампионатот. Мечот се игра во Русија на Гаспром арената во Санкт Петербург.
Финска ќе има за цел да го искористи моментумот по горчливата победа над Данска, а Русија по поразот од Белгија во првото коло, нема право на кикс, ако сака пласман во следната рунда.
Победата на Финска во првото коло, падна во втор план
Избраниците на Марку Канерва обезбедија победа од 1:0 над своите скандинавски соседи на денот кога фудбалот се најде на второто место. Колку и да беше историска победата на Финска на ЕУРО, резултатот се претвори во безначајност, додека фудбалскиот свет со нетрпение ги очекуваше новостите за состојбата на Кристијан Ериксен по срцевиот застој на плејмејкерот во првото полувреме. За среќа се се заврши со позитивен исход, па мечот продолжи по речиси час и половина, а на крајот Финците славеа победа.
Немаше голови пред да се случат ужасните настани, но Финска – појавувајќи се на нивниот прв натпревар на некој голем турнир – стигна до трите бода благодарение на ударот со глава на Џoел Појанпало, додека голманот Лукас Храдецки ја одигра својата клучна улога откако спаси неколку чисти гола за Данска.
Одлуката за продолжување на мечот беше дочекана со широко распространета критика, но тоа се покажа како предност за Финска.
Но замислете, Финска имаше само еден удар кон голот на Шмајхел, а славеше победа. Беше тотално надиграна од Данска, во сите сегменти на играта и со една таква игра, нема да може да се надева на нови бодови на ЕУРО 2020.
Никој не очекуваше победа над Белгија, но против Финска …
Ромелу Лукаку беше нерешлива енигма за русите на нивниот птв меч на ЕУРО. Белгија славеше со 3:0 и тоа без премногу мака. Имаше и Русија шанса за гол, но тие завршија без реализација. Кога во прашање е одбраната, таа беше очајна. Русите правеа катастрофални грешки и два од трите гола за Белгија беа вистински поклон.
Од тимот на Черчесов не се очекуваше изненадување против Белгија без разлика што играа на домашен терен, но со поразот од три гола Русија сега го зазема последното место во групата. Но ако никој не очекуваше победа над Белгија, сите очекуват победа над Финска. И пред шампионатот се знаеше дека тоа е шанса за русите, исто како и мечот со Данска. Затоа сега русите се под притисок да ги освојат трите бода, иако мечот со Данска исто така ќе биде од голема важност.
Поразот од „црвените ѓаволи“ значи дека Русија сега е без победа на шест натпревари на Европските првенства по победата со 4:1 над Чешка во Јуни 2012 година. Тие имаат три порази по ред на Европските првенства, но барем Русија никогаш не загубила четири меча по ред на евро-сцената.
Прогноза
Русија оствари четири победи од четири средби со Финска како независна нација и тоа секогаш убедливо. За тоа време тие постигнаа 15 гола – а интересно е тоа што селекторот на Финска, Канерва учествуваше во поразот на Финска со 6:0 во 1995 година. Сега ситуацијата не е иста како тогаш, но повторно се е на страната на Русија.
Мечот се игра во Санк Петербург, а во Русија е секогаш тешко да се игра, па шансите на финците се значително намалени. Освен тоа, квалитетот е на страната на Русија. Можеби единствената предност на Финска е тоа што по победата над Данска, сега тие ќе бидат растеретени, со мотиви до небо и секако со огромна самодоверба. Но тешко дека тоа ќе биде доволно за нивна победа. Залогот на Русија пред овој меч е огромен и тие би требало во целост да го изразат својот квалитет на овој натпревар.
Сепак, јас очекувам и еден доста цврст натпревар. Финска ќе биде дефанзивно ориентирана, ќе игра слично како со Данска и не може на овој меч да се очекува многу голови.
Be the first to comment