Тотенхем е доаќин на Арсенал во најинтерениот натпревар од колото во англиската Премиер Лига. Навивачите на Спарс не можеа да одберат подобар натпревар од дербито на Северен Лондон на кое ќе се вратат на трибините – не само поради големината на натпреварот, туку и поради контрастната форма на екипата.
Ќе бидат пополнети само 2.000 од 62.303 места на величенствениот стадион, но оние што имаат среќа да имаат билети, ќе очекуваат да ја видат својата екипа после речиси цела година.
Спарси со победа ќе бидат лидери
Момците на Жозе Мурињо моментално уживаат во најдолгата серија без пораз во Премиер лигата, бидејќи не загубија од денот на отворањето на сезоната.
Тоа е доволно Спарс да биде на второто место со еден бод помалку од Челзи и со ист број на бодови со Ливерпул кој е трет.Но со победа во недела Тотенхем ќе го помине Челзи и ќе се искачи на врвот.
Четири бода од последните два натпревари во лигата и тоа со Манчестер Сити и Челси сугерираат дека тие можат да дојдат до титулата.
По неделната пресметка со нивните најжестоки ривали, Спарс потоа ќе игра во уште едно лондонско дерби против Кристал Палас следниот викенд пред последователните натпревари против Ливерпул, Лестер и Волверхемптон. Тоа е застрашувачки распоред на празнични натпревари по кој на крајот треба да знаеме повеќе за вистинските шанси за титула на Тотенхем.
Катастрофален старт на Арсенал
„Топџиите“ имаат доволно проблеми на кои треба да се фокусираат во моментот и приврзаниците на Арсенал можеби се плашат од краткото патување во Тотенхем во недела.
Арсенал се наоѓа на очајното 14-то место на табелата со четири победи, едно реми и дури пет порази. На последните шест меча имаат само една победа во Премиер Лигата и едно реми, наспроти четирите порази. Во меѓувреме, Артета кој целосно ротира со составот во Лигата на Европа, забележа максимални пет победи во то натпреварување, но против екипи кои се далеку од квалитетот на Премиер Лигата.
Поразот против Вулвс минатиот викенд беше трет на домашен терен и иако тие всушност поминаа подобро на гостувањето во досегашниот дел од оваа сезона, стадионот на Тотенхем е едно од последните места каде што сакаат да одат во оваа форма.
Ова е најлош почеток на екипата, ист како и во 1981-82 година, откако освои само 13 поени од 10-те почетни натпревари.
Секако, не е се изгубено, бидејќи Арсенал има само пет бода помалку од четвртиот Манчестер Јунајтед и покрај слабиот почеток, додека на гостински терен само Ливерпул и Манчестер Сити ги победија на девет натпревари во сите натпреварувања оваа сезона.
Be the first to comment