Фрајбург сакаше опстанок и не само што го обезбеди, туку и има можност да излезе во Европа. Но се наоѓа во слаба форма во последно време. Менхенгладбах пак има голема шанса со победа на овој меч да се одвои од Леверкузен на четвртото место на табелата, што е и целта на екипата оваа сезона.
Фрајбург има можност за пласман во ЛЕ, но е во слаба форма
Тренерот на Фрајбург, Кристијан Стрих, ги охрабри своите играчи да играат со целосна слобода во завршните натпревари од сезоната, при што примарната цел за опстанок беше одамна надмината и исполнета. Сепак, фрлањето на тие окови на притисок е олеснително. Фрајбург победи на само два од последните 11 натпревари во Бундес-лигата, а на домашен терен тие загубија четири од последните шест меча и не постигнаа ниту еден гол во тие порази. Преостанатите два меча од таа серија се победи над Хофенхајм и Унион Берлин.
Постигнувањето голови стана огромен проблем во тимот, а има и зошто. Нилс Петерсен е најдобар стрелец на клубот оваа сезона со девет голови во лигата, но само еден од тие девет дојде во 2020 година. Лукас Халер излезе сам пред голманот минатиот петок при поразот од 0:1 од Баер Леверкузен, имаше време и да размисли но го промаши голот. Тој настапи на 17 средби по ред во нападот на Фрајбург, но постигна само еден гол. Лука Волдсмит се бори со повреда, но и тој има само еден гол во 2020 година.
На другиот крај на теренот, треба да се знае дека ова е тим кој знае да пропушти предност од 3:1 во реми 3:3 како против Ајнтрахт Франкфурт, а сепак признава дека имале среќа што освоиле бод. Но голманот Александар Шволоу направи рекорд во Бундеслигата на тој меч со дури 13 одбранети удари.
Менхенгладбах мора да слави ако сака во ЛШ
Пред да продолжи сезоната, јас сметав дека Баер Леверкузен ќе ја напаѓа Борусија Менхенгладбах на четвртото место во трката за Лигата на шампионите, но верував во Менхенгладбах. Овој викенд, е златна можност Менхенгладбах да стекне водство, ако се знае дека Леверкузен е домаќин на лидерот во лигата Баерн Минхен. Јасно е дека Менхенгладбах има поедноставна задача.
Можен проблем за тимот е меѓусебната традиција на овие два тима. Настапите на Менхенгладбах на Шварцвалд-стадионот се поразителни, со девет порази и две ремија од последните 11 гостувања. Сепак, Фрајбург по продолжувањето на сезоната страда од недостаток на навивачи на својот терен, а Менхенгладбах поради тоа треба да гледа на ова патување помалку застрашувачко од вообичаеното.
Тие беа разочарани во последниот натпревар од гостувањата, кога одиграа без голови со Вердер Бремен, но Борусија собра десет бода од последните четири гостински натпревари. Тие загубија само еден од последните седум гостински натпревари, а мора да се спомене дека на првиот меч против Фрајбург сезонава славеа со 4:2.
Клучниот играч од средниот ред Дени Закарија сеуште се опоравува по операцијата на коленото, со што ќе го пропушти и овој натпревар. Во негово отсуство, Флоријан Нојхаус има одиграно неколку одлични натпревари во средниот ред. Тој постигна извонреден соло гол во неделната победа од 4:1 над Унион Берлин и тој беше далеку најдобар играч на Менхенгладбах во ремито 0:0 во Бремен, па отсуството на Закарија не би требало да се почуствува премногу.
Be the first to comment