Ајакс е домаќин на ПСВ во големото дерби на холандската Ередивизија. Но за разлика од предходните сезони кога се очекуваше голема неизвесност, сега домаќинот е голем фаворит, особено што ПСВ има катастрофална сезона во сите натпреварувања.
Ајакс сака брзо враќање на победите
Ајакс наиде на изненадувачки пораз на претходната средба во лигата. Тие гостуваа кај Гронингем како огромни фаворити за победа, но наместо тоа доживеаа пораз. Примија гол во раната фаза на мечот, па потоа кога целосно се отворија веќе губеа со 2:0. Само го намалија поразот до крајот на мечот и покрај иницијативата и многуте шанси за гол. Едноставно, среќата не беше на нивна страна.
Тоа беше нивни четврти пораз во последните десет натпревари во сите натпреварувања, вклучувајќи ја и Лигата на шампионите. Бидејќи поразот дојде по четири последователни победи, на Ерик Хаг нема премногу да му пречи, особено што се враќаат на домашен терен против еден од најголемите холандски клубови, ПСВ.
Катастрофална сезона за ПСВ
ПСВ има сезона за заборав. Ништо не им оди од рака и покрај тоа што имаат добар тим и пред сезоната најавуваа борба за титулата. Наместо тоа, сега ПСВ е на 5-то место и заостанува со неверојатни 11 бода во однос на Ајакс. И не само тоа, туку тие речиси и да немаат шанси за пласман во Лигата на Шампиони следната сезона бидејќи и Аз Алкмар има ист број на бодови како и Ајакс. Освен тоа, ова дерби за нив доаѓа во доста незгоден момент бидејќи се наоѓаат во една крајно лоша форма. На последните три меча по зимската пауза немаат победа. Одиграа реми со Венло, па во Купот загубија од Бреда и минатото коло одиграа повторно реми со Твенте. Испаѓањето во Купот беше вистински шок, но барем сега целосно ќе можат да се насочат кон лигата, ако се знае дека не ја поминаа ниту групната фаза во Лигата на Европа.
Ќе има шанси, но ПСВ нема гостинска победа на 10 меча по ред
Натпреварот сигурно ќе понуди широк спектар на можни опции за играчите. Ќе имам многу шанси за гол, бидејќи и двете екипи форсираат напаѓачки фудбал. Но нема сомнение дека Ајакс е голем фаворит за победа на овој меч и ова дерби не е онакво какво што беше во изминатите неколку сезони. Јохан Кројф Арената е твросвоива дина во лигата и Ајакс сезонава има само еден пораз на домашен терен наспроти девет победи.
Ајакс загуби само три од нивните претходни 17 мечеви на домашен терен во сите натпреварувања. Но два од тие порази беа во судирите во Лигата на шампионите со Валенсија и Челзи.
Покрај тоа, домаќинот ќе се соочи со слаба гостинска екипа. ПСВ е без победа во последните десет гостувања во сите натпреварувања, па од таа гледна точка тие претставуваат мала закана за домашниот тим.
Be the first to comment