СП во кошарка – Група Х: Во групата на смрта Австралија, Литванија и Канада во борба за првото место

Конечно, време е да ја анализираме последната група на Светското првенство во кошарка, која ќе се игра во индустрискиот град Донгуан. Инаку, наречена „Група на смрта“, во групата Х се наоѓаат три селекции „моќници“: 6-рангирана Литванија, 11-то рангирана Австралија и 23-та рангирана Канада. Четвртиот тим е Сенегал кој е тотален аутсајдер.

АВСТРАЛИЈА – Одличен тим кој може да стигне далеку

Литванија е рангирана повисоко на светската ранг-листа на ФИБА, но јас ги гледам австралијците на врвот во оваа група. И покрај тоа што го немаат Бен Симонс, Австралија се уште има голем број на таленти од НБА лигата кои можат да ја понесат селекцијата во Кина.

Особено Пети Милс од Сан Антонио кој се наоѓа во одлична форма. Ако се знае дека токму ова е селекцијата која му го нанесе единствениот пораз по 2006 година на САД и тоа пред неколку дена, тогаш се е јасно. Метју Делаведова има неверојатна цврстина во одбрана, а тој заедно со Андру Богут, Џо Иглс од Јута, играчот на Феникс Арон Бајнес создаваат една страшна екипа. Доцното доаѓање на подготовките Мич Крик не би требало да биде проблем.

Нема да биде лесно за Австралија во оваа група, но кога нивната игра е на високо ниво, никој во оваа група не може да ги запре.

ЛИТВАНИЈА – Сепак само втор фаворит во оваа група

Литванија е секогаш во врвот на европската па и на светската кошарка и тука нема никаква дилема. Според многумина оваа селекција е глаен фаворит во групата, но јас не се слагам со тоа. Се работи за исклучитено силна селекција која има пет победи по ред на подготовките. Но пред тоа загубија на два пати од Србија и од Шпанија. Центарот на Мемфис Joнонас Валанчинунас и играчот на Индијана, Домантас Сабонис ќе бидат предводници на селекцијата, додека треба да добијат и многу помош од Мариус Григонис (Жалгирис), Мантас Калниниес (Лион) и Миндагас Кузминкас (Олимпија Милано). Ова е елитна екипа, тим кои не прави грешка, но во група со неколку други елитни екипи, Литванија би требало според мене да биде втора.

КАНАДА – Можат да бидат и лидери, но можат и да испаднат од групата

Во идеален свет, Канада би била меѓу кандидатите за подиумот. Тие го имаат можеби најдобриот шут на првенството. Добро се држеа против САД пред неколку дена, славеа над Нов Зеланд на два пати, еднаш над Австралија и над Нигерија. Но загубија од Австралија во првиот меч, од Нигерија исто така, како и од Финска. Имаат добри НБА играчи, пред се Кем Бреза од Орландо, како и Крис Букер и О’Шеа Брисет од шампионскиот тим Торонто. Тука се и Џозеф од Сакраменто и Нотице од Рапторс. Сепак, со оглед на длабочината на Австралија и Литванија, Канада ја сметам за трет фаворит во групата. Но трет фаворит кој може да направи бум во групата, па неј=мојте да се изненадите доколку селекцијата на Канада биде и лидер.

СЕНЕГАЛ – АУТСАЈДЕР

Искрено, ако Сенегалците беа во која било друга група тие би можеле да се натпреваруваат и можеби дури и да напредуваат, но не и во групата на смртта. Тие имаат многу мали шанси дури и за една победа. Тур е голем талент заедно со Моурис Ндур, а ветеранот од Црвена Звезда Мохамад Феје сеуште игра на високо ниво, но тоа е премалку за успех. Славеа единствено над Венецуела, Порто Рико и Јордан во подготовките, а нанижаа пет порази меѓу кои и од слабиот Јордан.