СП во кошарка – Група Ц: Шпанија лесно ќе се прошета до четвртфиналето

На ред за анализирање на Светското првенство во кошарка е Групата Ц. Гуангжу, еден од трите најголеми градови во Кина и главен град на провинцијата Гуангдонг, ќе биде домаќин на оваа група каде еден поранешен шампион се надева дека ќе се врати на тронот. Тоа е Шпанија, а тука се и Тунис, Порто Рико и Иран.

ШПАНИЈА – Тим полн со ѕвезди со отворен пат до четвртфиналето

Шпанците се некако затворени пред шампионатот, оптоварени се со една мисла и најавуваат атак на титулата. За некои, тоа е реално, за некои пак тоа е само сон. Но, потсетуваме дека Шпанија беше последниот тим кој го симна САД од тронот. Тоа го сторија во 2006 година кога во финалето ја совладаа Грција. Тие одиграа солидно на подготовките со исклучок на последниот меч против Русија кои го загубија убедливо. Пред тоа имаа само пораз од САД во еден одличен и тесен меч и победи над Аргентина, Доминиканска Република, Брег на Слонова Коска и Литванија.

Ќе ви биде тешко да најдете друг тим со толку големи и прекалени имиња како што има Шпанија. Зборуваме за Марк Гасол, Рики Рубио, Хуанчо, Вили Хернангомез, Руди Фернандез и Серхио Лол. Тоа е тим со еден куп ѕвезди кои можат против секого. Гледајќи ја оваа група, тие би требало да се прошетаат барем до четвртфиналето без никакви проблеми.

ТУНИС – Големото искуство време е да донесе резултат

Вооружени со еден тон искуство и талент во НБА во името на Салах Мејри, Тунис се чини дека е подготвен да направи бум во групната фаза. Освен него имаат искусен плејмејкер од Евролигата Мајкл Рој од кого се очекува многу на првенството.Тие почнаа да се спремаат за првенството уште во Јуни и одиграа највеќе пријателски натпревари од било која друга селекција. Славеа против селекции како Латвија, Литванија и Полска, а победија и против Мароко и Јордан. Порази доживеаа од Кина, Турција, Франција, Чешка и од Германија. Тие немаат многу среќа против европските селекции, па затоа е тешко да се замисли дека овој тим може да оди подалеку од втората рунда. Сепак, ако Тунижаните успеат да добијат одредена динамика, можно е да се случи и изненадување.

ПОРТО РИКО – Млада селекција која е далеку од своите славни денови

Порто Рико се фокусираа на млади играчи на ова првенство. Би требало Хуертас да е предводник на оваа генерација, во која играат главно играчи од домашното првенство со некои исклучоци. Тешко е да се предвиди нешто околу оваа селекција. Ова е тим што загуби со неверојатни 61:90 против Сенегал во еден од своите подготвителни мечеви, а единствено славеа против Ангола. Сепак, ова е земја која некогаш правеше олимписка историја борејќи се со САД. Сега тимот е далеку од тие славни денови, но останува фактот дека Порто Рико никогаш не смее да се отпише.

ИРАН – Аутсајдер

Селекцијата на Иран имаше добро подготовки и славеше пет победи по ред, меѓу кои и над Русија, но од тогаш дојдоа и три порази во низа, два од Грција и овој последниот пред неколку дена од Полска. Селекцијата на предводат неколку ветерани како Хамед Хадади и Самад Никхах Бахрами, но во тимот има и неколку млади таленти кои во блиска иднина можат да блеснат. Сепак, јас не ги гледам како ја минуваат групата, освен ако Тунис или Порто Рико навистина не ги искористат своите можности.