СП во Кошарка – Група А: Кина фаворит во најслабата група на првенството

Кина

Само неколку дена пред да стартува толку очекуваното кошаркарско Светско Првенство, време е да ги погледнеме и анализираме групите на шампионатот. Ќе стартуваме со групата А чиј домаќин ќе биде Пекинг.

Во групата покрај домаќинот Кина се наоѓаат и Полска, Венецуела и Брег на Слонова Коска. Ова е веројатно најслабата група на првенството, но тоа не значи дека ќе биде помалку интересна за следење. Кина е фаворит, но за второто место ќе гледаме тесна трка и голема борба.

КИНА – Домаќинот прв фаворит во најслабата група

Домашната селекција е фаворит во оваа група. Кина одигра променливо на подготовките. Загрижувачки се поразите од Бразил на два пати и од Доминиканска Република, но кинескиот селектор смирува и најавува дека формата се темпира за стартот на шампионатот.

Кинеската лига се развива брзо, а кинезите вложуваат прилично голема сума на пари па тоа се очекува сега да даде и резултат на репрезентативен план. Ова е нивно 9-то учество на Светските првенства, а нивен најдобар пласман е 8-то место. Како играч би требало да се истакне Зоу Чи кој има искуство во НБА лигата, а тука е и Жоу Пенг.

Реално, пласманот во втората фаза не би требало да биде проблем за кинезите, но во со помош на навивачите немојте да се изненадите доколку тие протуркаат и во четвртфиналето.

ПОЛСКА – Тимскиот дух и кохезијата е најголемото оружје на оваа селекција

Поминаа 52 години откако Полска последен пат играше на Светскиот куп на ФИБА, а само пласманот нан овој шампионат е веќе значајно достигнување за земјата која се наоѓа на 25-то место во светот. Повеќето луѓе веројатно нема да бидат запознаени со многу од имињата на составот на тренерот Аркадлуз Милошевски, но нивниот тимски дух и кохезијата во составот е на неверојатно високо ниво.

Три имиња на кои треба да се внимава се Матеуш Понитка од Зенит Санкт Петербург, Адам Вацински од Уникаха Малага, и натурализираниот играч Слајер од Реал Бетис. Вацински, е експлозивен стрелец кој е ветеран во Евролигата и навистина може да ги сруши противниците и со неколку тројки последователно. Се очекува тој да биде главен играч на Полска, но проблем за нив ќе биде доколу тој има лош ден. Полска победи само со Холандија и Иран во подготовките, што значи дека големо достигнување за нив ќе биде пласман во наредната рунда.

ВЕНЕЦУЕЛА – Селекција која може да изненади

Венецуела се смета за силна кошаркарска нација во Јужна Америка, но тие немаа многу среќа на светската сцена со последен настап на Светскиот куп во 2006 година. Беа импресивни на Олимпијадата во Рио во 2016 година, сепак завршувајќи во првите 10 со победа над Кина. Сега, тие не неможат да се среќни во однос на нивните подготовки, бидејќи имаат само една победа и тоа над Сенегал.

Сепак, ако Венецуела успее да се соземе, тие имаат моќен ростер на играчи кои може да ја минат Група А. Во првите редови е Нестор Колемарес, кој беше крајно посветен на националната кауза и е голем мотиватор. Момците на Варгас – Хозе и Грегориј се исто така играчи кои можат да го понесат тимот, а тоа го покажаа во победата од 81:74 во Суджоу. Се очекува да се води битка меѓу нив и Полска за второто место но светските експерти повеќе ја фаворизираат европската селекција.

БРЕГ НА СЛОНОВА КОСКА – Аутсајдер

Брегот на Слоновата Коска се наоѓа во лоша форма во најнезгоден момент. Тие одиграа само три пријателски меча, загубија од Италија минатиот месец во Тренто, а потоа не успеа да забележат победи на турнирот Торнео де Малага против Шпанија и Филипините. Ова е нивно четврто појавување на Светскиот куп, но за разлика од предходните шампионати овој пат немаат длабочина во тимот. Тие во моментов се најниско рангираниот тим на ФИБА, а како и Венецуела, тие се повеќе оптоварени со вонкошаркарски прашања во последно време.

Сепак, има неколку значајни имиња како што се Сулејман Диабате, Чарлс Абуо и натурализираниот играч Деон Томпсон. Диабате, кој игра за Ненси Баскет во Франција, беше главен играч на Брегот на Слоновата Коска во квалификациите, , додека Абуо беше нивниот најдобар стрелец со 11.1 поен по натпревар. Засилување на тимот ќе биде Томпсон, кој е соиграч на Вацински во Уникаха Малага. Оваа селекција има најмали шанси за прогрес во следната рунда и покрај тоа што се наоѓа во релативно слаба група.

ПРЕДВИДУВАЊЕ:

1.КИНА

2.ВЕНЕЦУЕЛА

3.ПОЛСКА

4.БРЕГ НА СЛОНОВА КОСКА

Be the first to comment

Leave a Reply

Your email address will not be published.


*