Вардар во рамките на третото коло на Лигата на Европа ќе го пречека шпански Реал Сосиедад. Двете екипи се соочуваат со проблеми околу повредени фудбалери, но шпанците се фаворити на овој меч иако од Вардар најавуваат освојување на бодови на овој натпревар. Дефинитивно ова ќе биде натпревар за уживање кои вистинските љубители на фудбалот во Македонија не смеат да го пропуштат.
Вардарци сеуште се навикнуваат на густиот распоред
Вардаровите фудбалери никако неможат да се привикнат на густиот распоред сезонава и за тоа пишувавме веќе неколку пати оваа сезона. Јасно е дека тоа е најголемиот проблем на екипата сезонава и тоа се рефлектира на нивните резултати. Нешто слично напомена и тренерот Јаневски, кои на официјалната прес конференција рече дека тешко се справува со заморот на фудбалерите и густиот распоред иако овој пат влегуваат далеку посвежи во однос на предходните мечеви поради тоа што пред една недела заврши репрезентативната недела, кога немаше клупски фудбал во Европа. Нозете на фудбалерите се тешки, а Јаневски има ограничен број на квалитетни имиња за ротација, па најдобрите фудбалери на Вардар не одмараа ниту еднаш досега.
4-2-3-1 или 4-4-2
Ова прашање не може а да не се постави, особено после минатиот домашен дуел на Вардар против тетовска Шкендија. Имено, Јаневски тој меч го започна со онаа вообичаена формација 4-2-3-1, но во првото полувреме на теренот постоеше само една екипа, Шкендија. Високиот пресинг на фудбалерите на Шкендија и кратките додавања не му дозволија на Вардар повеќе од десетина секунди да ја држи топката во своите нозе. Вардар на полувреме губеше со 1:0, но промената на формацијата во 4-4-2 во вториот дел го сврте натпреварот во целост и на теренот гледавме спротивна слика, па Вардар заслужено победи со 4:2. Токму затоа сега го поставуваме тоа прашање и околу формациската поставеност, иако со двајца напаѓачи во нападот би било ризичнодасе игра против екипа како Сосиедат. Сепак ако Вардар играше тешко против Шкендија со еден напаѓач, тешко дека ќе може да одигра на високо ниво против екипа како Реал Сосиедад.
Вардар со доста проблеми со повредни фудбалери
Вардар ќе биде значително ослабен на овој меч, особено во одбраната. Имено Јаневски нема да може да смета на двајцата репрезентативни централни дефанзивци Велковски и Муслиу кои се повредени. Според тоа јасно е дека во одбраната последни играчи ќе бидат Новак и Грнчаров. Уште поголем проблем е и повредата на Николов кој ги пропушти последните неколку натпревари, а повреден е и Брдаровски. Максимов пак кој одигра одлично на своето деби против Шкендија нема да може да игра поради тоа што не е регистриран во Лигата на Европа.
Можен состав:
4-2-3-1: Гачевски; Новак, Грнчаров, Хамбурџијан, Демири; Глигоров, Исени; Фелипе, Блажевски, Џигаури; Барсегијан.
4-4-2: Гачевски; Новак, Грнчаров, Хамбурџијан, Демири; Глигоров, Фелипе, Блажевски, Џигаури; Барсегијан, Итало.
Сосиедад со голем пад на формата
Сосиедад одлично ја почна сезоната во Ла Лига со три победи во првите три кола, но по тоа трето коло имаше огромен пад во формата забележувајќи 4 порази по ред на кои прими дури 12 гола, односно на секој од мечевите прими по 3 гола во својата мрежа. Поразите дојдоа од Реал Мадрид, Леванте ( Енис Барди беше стрелец на еден гол за Леванте ), од Валенсија и поразот од Зенит во Лигата на Европа. Ако на ова се додаде и ремито по оваа црна серија против Бетис, но со 4 примени гола јасно дека екипата се наоѓа во криза, особено во последната одбранбена линија. Сепак Сосиедат во овој меч со Вардар влегува победнички, бидејќи конечно по 5 меча без победа, славеа изминатиот викенд на гостувањето кај Алавес со 0:2.
Сакристан го копира стилот на Барселона
Сакристан се обидува да го преслика стилот на игра на Барселона во Реал Сосиедат и донекаде успева во тоа. Овој млад стратег Сосиедад го презее во 2015 година и од тогаш до сега огромен е напредокот во играта на екипата. Зошто стилот на Барселона ? – затоа што Сакристан голем дел од својата играчка кариера ја помина во каталонскиот тим, а таму го учесе и тренерскиот занает. Цели пет години беше асистент на првиот тренер на екипата, а тренер на Барселона Б беше од 2011 до 2015 година. Неговиот стил на игра е едноставен, но доста успешен. Премногу додавања, комбинации уште од самата дефанзивна линија, посед на топка и усмерено приближување кон противничкиот гол, претежно со топки по средината на теренот и помеѓу два пртивнички играчи. Впрочем оваа екипа целосно е насочена кон пронаоѓање на најмал простор помеѓу противничките дефанзивци и втрчување на еден од крилата, или пак најистурениот напаѓач и таа игра ја има усовршено до перфекција. Колку Сосиедад игра слично како и Барса, доволно говори тоа што на буквално на сите досегашни натпревари оваа сезона има поголем посед на топка од противникот ( единствено Селта имаше поголем посед на топка во првото коло на Ла Лига ). Токму затоа вардарци ќе мора да бидат смирени, да не дозволат таа игра на противникот на влијае и да предизвика нервоза, бидејќи психичката војна на Сакристан ќе биде присутна уште на самиот почеток од мечот.
Без шест стандардни фудбалери против Вардар
Реал Сосиедад ќе биде значително ослабен на овој дуел бидејќи тренерот Еузебио Сакристан нема да може да смета на шестмина првотимци кои не се во можност да му помогнат на баскијскиот клуб поради повреди. Карлос Мартинез, кој важи за еден од клучните дефанзивци во тимот на Реал, воопшто не дојде во Скопје заедно со Одриозола. Зурутуза кој е стандарден во првиот тим на Сакристан, исто така не се најде на списокот на патници за Скопје, заедно со Гориди. Ослабен ќе биде и нападот, каде ќе недостигаат Хуанми и Агирече. Од друга страна пак добра вест за тимот од Сан Себастијан е враќањето на Ињиго Мартинез, кој ги пропушти претходните средби поради повреда. И без тоа Реал Сосиедад во Скопје дојде со доволно квалитетен состав и секако е фаворит на овој дуел, со оглед на фактот дека баскијскиот клуб ќе биде предводен од двајцата поранешни играчи на Реал Мадрид, Илјараменди и Каналес, но и Јанузај и Вела во нападот.
Можен состав:
4-3-3: Рули; Љоренте, Навас, Елстондо, Родригес; Иљарменди, Пардо, Прието; Јанузај, Вела, Вилиан.
Реал Сосиедад огромен фаворит според букмејкерите
Според букмејкерите шпанците се апсолутни фаворити на овој дуел. За победа на Реал Сосиедад коефициентот во бет365 е само 1.25. За реми пак коефициентот е доста голем во бет365 и изнесува 5.50, додека за победа на Вардар е дури 15.00. Доста привлечни се коефициентите на голови. Најчесто кога една екипа е толку голем фаворит како овој пат Сосиедад, коефициентот за над 2.5 гола е многу мал, но сега тој изнесува 1.75 во бет365, додека доколку се обложите дека ќе паднат под 2.5 гола коефициентот е 2.05.
Наш предлог:
Двете екипи да постигнат гол @ 2.30 во бет365
1 Trackback / Pingback