Вардар гостува на “Шукру Сарачоглу” во Истанбул на реванш мечот со Фенербахче и со предност од 2:0 ќе истрча на овој стадион. Кога во прашање се турските екипи и нивните дуели на домашен терен, предноста на противникот не мора да значи ништо, но Вардар покажа дека знае како со големите екипи, има шанса која не смее да се пропушти и најавува испишување на историја не само за клубот, туку и за македонскиот фудбал.
Вардар со шанса која не смее да се пропушти
Македонскиот шампион Вардар има шанса каква што предходно немала ниту една македонска екипа, да брани предност од 2:0 во последното коло на Лигата на Европа пред групната фаза. Откако сопственикот на тимот, Сергеј Самсоненко најави дека ќе го напушти тимот по крајот на сезоната, а Седловски на само два дена пред првиот дуел со Фенербахче си поднесе оставка сите го отпишаа Вардар, нашиот тим се врати како феникс со неколку одлични потези како назначувањето на Чедомир Јаневски за нов тренер и ангажманот на бразилскиот напаѓач Итало кој го замени Балотели кои се пресели во Катар, како и Куајнор од Гана кој го засили дефанзивниот среден ред. Тоа пак беше позитивен шок кој донесе на некој начин неочекувана победа од 2:0 против силниот Фенербахче. Искрено на теренот турскиот тим беше подобар, имаше повеќе шанси, ја имаше топката во свој посет но Вардар знаеше што сака и стигна до на некој начин изненадувачка победа која како бомба одекна во фудбалска Европа.
Сега на ред е пеколното гостување во Турција на “Шукру Сарачоглу”, каде нашиот тим повторно е апсолутен аутсајдер според бикмејкерите и фудбалските експерти. Хендикеп за нашиот тим ќе биде неиграњето на капитенот и столбот на одбраната Бобан Грнчаров кој на минатиот меч доби црвен картон, но Јаневски експериментираше со Велковски и Муслиу на минатиот меч против победа и тој експеримент се покажа како успешен. Проблем ќе биде и тоа што Вардар на гостувањата сезонава игра тешко, има порази од Копенхаген и Шкендија и реми против Малме, а сега ќе гостуваат на еден од најтешките стадиони во Европа. Во Истанбул паѓале многу звучни имиња, во сезоната 2016/2017 на „Шукру Сарачоглу“ бил поразен тимот на Монако со 2:1, тим кој што подоцна стигна до полуфиналето на ЛШ. Лани во групната фаза од ЛЕ го победиле Манчестер Јунајтед со 2:1, кој што ќе стигне до трофејот во ова натпреварување. Го совладале и Феенорд, претходно Ајакс, а таму „паѓале“ и Бенфика, Лацио, како и Челзи пред неколку години. Сепак Јаневски се чини добро го прочита турскиот гигант, ги мотивираше своите фудбалери на вистински начин, а тие се свесни дека ова е шанса која не смее да се пропушти, а тоа е доволно тие да одиграат меч на своите кариери и да се радуваат по последиот судиски свиреж.
Можен состав:
Формација 4-2-3-1
Гачевски; Хамбарџумијан, Новак, Велковски, Демири; Спировски, Николов; Блажевски, Фелипе, Којашевиќ; Барсегјан.
Фенер со огромни проблеми пред реванш мечот
Фенербахче, неговите навивачи па и целокупната турска јавност како катастрофа го примија поразот од Скопје. Тие беа апсолутни фаворити и се надеваа дека патникот во групната фаза ќе биде решен уште на првиот натпревар. Фенер се наоѓа во голема резултатска криза и на 11 натпревари од почетокот на подготовките на овој тим за новата сезона има забележано само 2 победи, 5 нерешени средби и 4 порази, а во турската Супер лига во првите две кола одиграа на два пати со резултат 2:2.
На овој меч турскиот гигант ќе биде без услугите на Фернандао и Соуза, многу се мали шансите да играат Ван Перси, Ван дер Вил, Учан и Екичи, додека Солдадо го пропушти последниот тренинг и сигурно нема да може да настапи од почетната минута. И историјата на е на страната на Фенербахче и кажува дека овој тим тешко се враќа од негатива. Особено од два разлика после која никогаш не успеал да ја анулира, а последен пат негатива успеал да стигне во далечната 1998 година. Откако во Шведска биле поразени од Гетеборг со 2:1, па дома „едвај“ низ иглени уши и со 1:0 успеале да се протнат во следната фаза. Сепак тренерот на домаќините најавува висока победа на својот тим и јасно е дека понесени од своите френетични навивачи, Фенер ќе тргне во офанзива уште од почетокот на мечот и Вардар ќе треба да одигра многу подобро од првиот дуел, доколку сака да ја задржи предноста и да испише историја.
Можен состав:
Формација 4-2-3-1
Камени; Калдирим, Шкртел, Неуштадтер, Исла; Туфан, Топал; Валбуена, Потук, Дидар; Косе (Џулијано)
Букмејкерите на страната на Фенербахче
И двете екипи си имаат свои проблеми пред почетокот на дуелот, но се чини за разлика од првиот меч сега поголеми се проблемите кај Фенербахче, но и покрај тоа букмејкерите повторно му даваат големи шанси за победа на овој тим за кого коефициентот е 1.11 во бет365 со индиции да опаѓа уште повеќе до почетокот на мечот, за реми коефициентот е 8.50, додека за победа на Вардар е дури 21.00. Интересно е тоа што и покрај негативата од два гола на Фенер, турскиот тим според букмејкерите и натаму е поголем фаворит за пласман во групната фаза со коефициент 1.62, додека коефициентот за тоа дека Вардар ќе се пласира во групите е 2.20 во бет365.
Наш предлог:
Вардар продолжува во групната фаза на Лигата на Европа @ 2.20 во бет365
Be the first to comment