Според обложувалниците и понатаму прв фаворит за освојување на титулата е Манчестер Сити.
Се уште е рано во најелитното европско натпреварување измина само половина, односно беа одиграни три кола.
После секое коло светските обложувалници објавуваат коефициенти за кандидатите за титулата, а во овој момент први три фаворти се Манчестер Сити, Барселона и Јувентус.
Најголеми шанси букмејкерите му даваат на тимот на Гвардиола кој има коефициент од 5.5. Иако Гвардиола тврди дека неговиот тим не е помеѓу фаворитите, најмногу поради тоа што „граѓаните“ немаа голема историја како ривалите, јасно е дека имаат тим за високи дострели.
Зад Манчестер Сити следи Барселона за која можеби е и изненадување што се наоѓа волку високо со оглед на мини-кризата која ја имаше неодамна. Но, тие во својот тим имаат волшебник каков што е Лионел Меси и ако тој игра како што знае, тогаш Барса сигурно ќе биде силна. Коефициентот за Барселона изнесува 6.
На третата позиција следи Јувентус кој веќе неколку години е во самиот врв на европскиот фудбал, но секогаш му недостасуваше тој последен чекор, а сега имаат човек кој може да на Торино да му ја донесе европската титулата – Кристиано Роналдо. Букмејкерите за Јувентус доделија коефициент 7.
Be the first to comment