Во обид да ја заврши 2021 година во голем стил, лидерите од француската Лига 1 – ПСЖ гостуваат на Стад ду Мустоар кај Лориен во среда. И покрај проблемите во тимот на Покетино и неколкуте отсуства н аважни фудбалери, тие се изразити фаворити на ова гостување.
Во меѓувреме, домашната екипа влегува во овој меч по осум последователни порази во сите натпреварувања и ќе се обиде да стави крај на оваа катастрофална серија на резултати.
ПСЖ сака да ја заокружи годината со победа
ПСЖ славеше над нисколигашот Аулноје и тоа убедливо со 0:3 на гости во неделата и лесно обезбеди пласман во следната фаза на Купот на Франција. Најдобар доказ дека Покетино сака да победува на секој меч и тоа лесно и убедливо, беше тимот со кој ПСЖ излезе на терен. Покетино се реши за најдобрите играчи, со мали исклучоци и покрај тоа што сите очекуваа дека ќе настапи речиси вториот тим.
Избраниците на Покетино дојдоа до лесно водство од два гола во воведниот половина час благодарение на пеналите на Килијан Мбапе и Мауро Икарди пред Мбапе да го постави конечниот резултат на почетокот на вториот дел. Може да се каже дека фудбалерите на ПСЖ не се ни испотија на тој дуел.
Сега се враќаат во лигата, каде што се непоразени од Октомври и моментално имаат 13 поени предност на врвот на табелата.
Мали проблеми за Покетино
Покетино има проблеми и нема да може да смета на Мбапе и Нејмар во нападот, но тука се Икарди и Меси. Во средината ќе недостасува Верати, но н анегово место ќе настапи Вајналдум. Покрај овие нема да настапат Бернат, Дагба, Курзава, Дрекслер и Мендеш, но широкиот состав му дава неверојатни можности на Покетино и ниту едно отсуство не би требало да се почуствува, особено против екипа како Лориент.
Дури и да излезе со половина екипа, ПСЖ ќе биде фаворит и би требало да слави победа. Ова особено важи оваа сезона, бидејќи Покетино многу добро ја научи лекијата и сезонава тој и ПСЖ против сите играат максимално, играат со многу поголем респект и без потценување.
Лориен ќе се бори за опстанок
Лориен победи на само еден од претходните 13 средби меѓу овие два тима од 2011 година. Но победата се случи на почетокот на оваа календарска година и тоа со 3:2 во еден крајно интересен меч. Тоа е еден од оние дуели минатата сезона поради кои ПСЖ ја загуби шампионската титула.
Лориен беше исфрлен од Купот на Франција по поразот со 1:0 од Рен на Роажон паркот во саботата, но тој пораз не ги потресе премногу. Дефанзивецот Омари го отвори резултатот во 21-та минута и тоа беше доволно за да ги исфрли момците на Кристоф Пелисие. Сепак, фудбалерите на Лориен се целосно насочени кон лигата каде се предпоследното место и очигледно е дека ги очекува тешка битка за опстанок.
Ова доаѓа како резултат на седум порази по ред во лигата. Главниот проблем на оваа екипа е нападот, особено ако се знае дека сезонава до сега постигнаа само 14 гола.
Be the first to comment