СП во кошарка – Група Д: Ќе се најде ли некој кој ќе ја сопре Србија!?

Во градот Фошан лоциран во централната провинција Гуангдонг ќе се играат натпреварите од Група Д на Светското првенство во кошарка. Во оваа група јасен фаворит е највисокиот тим на ова СП, Србија, како и Италија, Ангола и Филипини.

СРБИЈА – Ќе се најде ли некој кој може да ги сопре србите

Селекцијата на Србија не изгуби ниту еден натпревар на подготовките. Тие двапати ги победија Литванија и Италија, ја победија и Турција, Франција, Нов Зеланд … Во моментов Србија изгледа речиси непобедливо, па сосема очекуване е главен фаворит за трофејот покрај САД.

Тоа не е изненадување, особено затоа што Србите ги донесоа практично сите свои големи имиња во Кина, предводени од еден од најдобрите центри во НБА лигата Никола Јокиќ. Тука е и Бобан Марјановиќ заедно со уште двајца големи играчи Немања Бјелица и Мирослав Радуjица.

Ако тој висок бедем не е доволен за фаворитската улога на Србија тука е експлозивниот Богдан Богдановиќ како и Марко Гудуриќ. Неверојатниот Милош Теодосиќ го комплетира составот на тренерот Саша, кој има длабок длабочина во ростерот на секоја можна позиција. Тешко дека некој ќе може да ги победи во оваа Група Д.

ИТАЛИЈА – На хартија изгледаат страшно, на терен редат порази

Италија има и неколку големи имиња, како Марко Белинели, Данило Галинари и Луиџи Датоме, но ова е екипа која не победи од почетокот на август и која изгуби голем број на подготвителни натпревари со голема разлика. Ова ме тера да мислам дека Италија можеби не е толку добра како што навидум изгледа според имињата.

Сепак, без разлика на разочарувачките подготовки, тие едноставно имаат тим и одлична група за да можат да одат во следната фаза. Според се, тоа би било реалност, но со оглед на вкстувањето со Група Ц, таа втора рунда веројатно ќе биде најголемото достигнување на оваа селекција.

ФИЛИПИНИ – Цела нација дише за кошарката

Андреј Блатче поранешниот играч на Бруклин, несомнено ќе носи голем дел од товарот, исто како што беше во 2014 година. Дали петкратниот МВП на домашниот шампионат Мар Мар Фејардо ќе направи значителна разлика е прашањето која ја мачи оваа селекција па и цела нација. Интересно, подржувачите на оваа репрезентација се едни од најбројните и најгласните на официјалната страна на ФИБА. А како да биде поинаку кога кошарката е национален спорт во земјата.

Оваа селекција во подготовките загуби и од Конго, што значи дека се наоѓаат во слаба форма. Оваа селекција ќе се надева на голем број на тројки, имаат добри шутери од далечина и играат цврста одбрана несвојствена за европските селекции која може да биде проблем за противниците. Затоа, ако им тргне шутот од далечина тие во најмала рака можат да слават над Ангола.

АНГОЛА – Аутсајдер

Анголците загубија од Чешка, Литванија, Порто Рико и Јужна Кореа, но славеа против Хрватска во подготовките. Ова е еден од постарите тимови на Светското Првенство со просечна возраст од 31 година (најмногу благодарение на 40-годишниот Едуардо Мингас). Навистина ова е една интересна селекција со голема конзистентност. Оваа земја, го има својот петти настап на Светските првенства и ќе биде задоволна и со една победа над Филипините.