Стартува Првата фудбалска лига – Шкендија делува порасположено од Вардар

По повеќемесечна пауза викендов стартува новата сезона во Првата фудбалска лига на Македонија. Стартот е закажан за вo сабота, кога ќе се одиграат два натпревари. Огромно внимание веднаш ќе предизвика големото дерби меѓу Шкендија и Вардар кое ќе се одигра на Градскиот стадион во Тетово, со почеток во 17:00 часот. Во истиот термин, на стадионот во Ѓорче Петров, ќе се одигра натпреварот меѓу Работнички и Ренова. Во недела се на програмата останати три натпревари од првото коло: Победа – Пелистер, Шкупи – Академија Пандев и Силекс – Скопје.

Шкендија – Вардар
Дуел помеѓу убедливо двете најквалитетни фудбалски екипи во Македонија, веројатно единствените кандидати за шампионскиот пехар и оваа сезона. Ова воедно е и меч помеѓу двете екипи кои сеуште играат и во европските купови, Вардар по елиминацијата во Лигата на Шампионите се префрли во Лигата на Европа каде го очекува меч со Фенербахче, додека Шкендија елиминираше три екипи и закажа меч со Милан во плеј офот на ова натпреварување.

Шкендија во големо расположение ќе ја стартува сезоната во Првата лига. Освен тоа овој тим се аоѓа во полн натпреварувачки ритам по настапите во Лигата на Европа каде ги елиминираше Дачија, ХЈК и Тракаи. Нивната награда е дуелот против Милан во последното коло од Лигата на Европа, но пред тоа ќе направат се за да слават победа против Вардар. Домаќините се веројатно уште повеќе мотивирани, поради заминувањето на Самсоненко од нивниот најголем ривал и конечно се решени по четири годишна пауза да го кренат пехарот во Првата Лига.
Шкендија немаше бурен преоден рок, но нобиот тренер на екипата Османи, верува дека со овој играчки кадар и потенцијалот на своите фудбалери може да ја преземе титулата од Вардар. Шкендија се засили онаму каде што беше најпотребно, во одбраната каде ги донесе албанскиот интернационалец Теќа, како и младинскиот репрезентативец Мурати кој се врати во матичниот клуп по позајмицата во Шкупи. Си заминаа дури 10 фудбалери, но од нив само Положани и Јуфо имаа некакви улоги во тимот минатата сезона. Во мечо Шкендија ќе биде без услугите на Вујчиќ кој е повреден и тоа во моментов е единствениот проблем на Османи пред овој меч.

Вардар во мечот влегува по разочарувачката елиминација од Копенхаген во Лигата на Шампиони, кој на некој начин го растресе тимот, но уште поголем стрес вардаровите фудбалери имаат по најавеното заминување на рускиот сопственик на тимот Сергеј Самсоненко. Сепак и покрај тоа што Самсоненко ќе си замине по крајот на сезоната, фудбалерите на Вардар неможат да планираат долгорочно бидејќи по крајот на сезоната не се знае дали клубот сеуште ќе биде со добра финансиска конструкција.
Освен тоа Вардар имаше разочарувачки преоден рок. Си замина единствениот класичен напаѓач на тимот Балотели, крилото Јасир Асани, како и двата леви бека Попов и Љамчевски, а пак легендата на тимот Гроздановски се пензионираше. Нови играчи во тимот се младинскиот репрезентативен бек Висар Муслиу кој тешко дека ќе се пробие во првиот тим, како и Бесар Исени кој поседува огромен талент, но тој е повеќе засилување за во иднина отколку за оваа сезона. Единствено Петр Петковски е повреден и тренерот Седловски нема да може да смета на неговите услуги.

Наш предлог:
Двата тима да постигнат гол 1.72

Работнички – Ренова
Работнички во овој меч влегува со фаворитска улога. Овој тим има поквалитетен играчки кадар, одличен стратег во името на Треневски, како и добар натпреварувачки ритам по настапите во Лигата на Европа, каде беше елиминиран во второто коло од Динамо Минск. Домаќините имаа тежок преоден рок и останаа без најдобриот одбранбен фудбалер од минатата сезона Ванче Шиков, напаѓачот Филип Ивановски, десниот бек Силјановски, крилото Наумчевски, но најголем удар е заминувањето на најдобриот фудбалер на тимот Елиф Елмас кој премина во Фенербахче. Треневски донесе неколку нови имиња како Велинов, Кадриу и ерменецот Погосјан во нападот, но не дојде ниту еден класичен бек па одбраната ќе биде најголем проблем за тимот оваа сезона.

Ренова е речисиистиот тим од минатата сезона, а нивните амбиции во секоја сезона се исти – излез во Европа. Иако тоа добро им одеше неколку години по ред, минатата сезона Ренова не успеа во својата амбиција, а според играчкиот кадар и анемичниот преоден рок на тимот тешко дека ќе успее во таа цел и оваа година.

Наш предлог:
Победа на Работнички @ 1.50

Победа – Пелистер
Ова е второто дерби во првото коло на Првата македонска лига, кое е познато и како Пелагониско дерби. Секогаш меѓусебните дуели на овие две екипи од соседните градови привлекувале големо внимание, па така е и овој пат.
Победа имаше интересен преоден рок и е значително посилна екипа од минатата сезона. Јасир Асани е нивнито најголемо засилување, но тука е и прекалениот стрелец Борче Маневски, како и азербејџанецот во одбраната Хумбатов. Си заминаа вкупно 9 фудбалери, но тие и минатата сезона немаа некоја позначајна улога во својот тим.

Пелистер пак кој сезонава играше во Лигата на Европа, доживеа рана елиминација од Лех Познан, но тие натпревари ќе бидат драгоцени за овој тим на почетокот на Првата лига.Тимот кој минатата сезона заврши на 4-то место но го освои Купот на Македонија е значително засилен по ангажманот на Оливер Пеев, Љамчевски, бразилецот Азул, како и голманот Јованосвки кој дојде од Шкендија. Наспроти тоа ниту еден фудбалер не го напушти Пелистер ова лето. Пелистер како фаворит влегува во овој меч, но во Прилеп е секогаш тешко да се игра па добро е да се избегне овој натпревар.

Наш предлог:
Двете екипи да постигнат гол @ 1.82

Шкупи – Академија Пандев
Шкупи полека но сигурно прераснува во стабилен прволигаш и стабилен спонзор, но и покрај тоа мора да се заклучи дека тимот е послаб од минатата сезона, наспроти очекувањата на своите навивачи. Дојдоа три неискусни млади фудбалери, а си заминаа дури 6 фудбалери, меѓу кои и најдобрите во тимот миатата сезона: Бесир Исени, Кадриу, Мурати и Буџамин Асани.

Академија Пандев пак тргнува амбициозно во Првата лига. Тимот се фокусираше на фудбалери од својата школа која е една од најдобрите во Македонија, имаат сигурен спонзор и стабилна финансиска конструкција. Екипата е речиси иста како и минатата сезона кога со убедлива разлика станаа шампиони во Втората Лига и во овој момент е можеби и поквалитетна од својот прв противник.

Наш предлог:
Победа на Академија Пандев или реми @ 1.81

Силекс – Скопје
Силекс како апсолутен фаворит влегува во мечот против Скопје. Одличниот стратег на клупата на кратовскиот тим Жикица Тасевски успеа да го зачува тимот од минатата сезона со мали исклучоци, но успеа и да го засили со неколку добри фудбалери. Амбициите сезонава на оваа екипа се пласман на едно од првите 5 места на табелата.

Скопје пак е убедливо најслабата екипа оваа сезона во Првата лига. Овој тим заврши на второто место минатата сезона во Втората лига но беше очајна во летниот трансфер период и донесе само една засилување на голнаската позиција, па според тоа Скопје го очекува грчевита битка за опстанок во лигата.