Денес на програмата се реванш четвртфиналните натпревари од Лига Европа, а во фокусот секако ќе биде дуелот помеѓу Севиља и Манчестер Јунајтед.
Севиља и Манчестер Јунајтед одиграа исклучително интересен дуел на „Олд Трафорд“, кој заврши со резултат 2:2, иако домаќините имаа водство од 2:0, но Шпанците покажаа дека се специјалисти за ова натпреварување.
Севиља е специјалист за Лига Европа
Севиља има сезона за заборав во шпанското првенство, каде до неодамна беше загрозена од испаѓање, но со добрите резултати во последно време успеа да се искачи до 13-то место. Меѓутоа, Севиља и оваа сезона игра одлично во Лига Европа и уште еднаш потврди дека овој клуб е специјалист за ова натпреварување. Немаа среќа во ждребот и го добија најголемиот фаворит, а после првото полувреме имаа негатива од два гола на „Олд Трафорд“. Шпанскиот клуб покажа карактер и дојде до израмнување, па значително ги зголеми шансите за пласман во полуфиналето. Сепак, тоа воопшто нема да биде лесно бидејќи Јунајтед тешко губи оваа сезона во Европа, но „црвените ѓаволи“ ќе допатуваат во Шпанија со „десеткуван“ тим. Севиља има искусен тим кој знае како се играат вакви двомечи, а водена од домашната публика сигурно ќе има голема самодоверба. Тоа е предуслов за одличен натпревар на „Санчес Пискуан“, кој ќе биде неизвесен до последната минута.
Манчестер Јунајтед со „десеткуван“ тим
Манчестер Јунајтед е прв фаворит во Лига Европа оваа сезона и целта на Тен Хаг и дружината секако ќе биде да го подигнат трофејот. „Црвените ѓаволи“ ја оправдаа фаворитската улога во првиот час игра на „Олд Трафорд“, доминираа и имаа водство од 2:0. Меѓутоа, дојде до неочекуван пад во последните моменти од мечот, па Севиља успеа да постигне два гола и да дојде до израмнување. За ситуацијата да биде уште полоша, Тен Хаг остана без неколку важни фудбалери за овој меч, па со „десеткуван“ тим ќе допатува во Шпанија. Манчестер Јунајтед ќе биде без Бруно Фернандеш, Варан, Мартинез, Сабицер, Гарначо, Мектомини, а добрата вест е што најверојатно ќе се опорават Рашфорд и Лук Шо.
Очекување
Првиот дуел ни покажа дека овој двомеч ќе биде непредвидлив до последната минута, а голема е веројатноста полуфиналистот да биде познат после продолженија или изведување на пенали. Во секој случај очекуваме возбудлив натпревар со многу голови.
Be the first to comment