Две екипи кои мака мачат за подобра форма сезонава и за некој бод повеќе играат меѓусебе на стадионот Кинг Пауер во четврток навечер кога Лестер ќе биде домаќин на Лидс Јунајтед.
Додека „Лисиците“ победија на само еден натпревар цела сезона, „белите“ се обидуваат да избегнат седми последователен натпревар без победа.
Лестер под притисок да победи
Притисокот продолжува да расте врз менаџерот на Лестер, Брендан Роџерс, откако неговиот тим беше принуден да одигра реми без голови дома против Кристал Палас минатиот викенд.
Од секоја гледна точка, оваа сезона за Лестер е благо кажано катастрофална. Ако до минатата сезона актуелна за овој тим беше борбата за пласман во Европа – сезонава актуелна ќе биде битката за опстанок. Десет натпревари и само пет бода до сега, со една победа и две ремија, наспроти седум порази.
И не загрижува само бодовното салдо, туку и играта особено во одбраната каде Лестер прими рекордни 24 гола во лигата.
Сепак, „Лисиците“ ја зачуваа мрежата на своите последни два домашни натпревари, вклучувајќи ја и победата од 4:0 над Нотингем Форест.
Роџерс проба речиси се, смени еден куп фудбалери – менуваше цели линии во тимот, испроба и неколку различни формации но без никаков ефект. Можеби ова е последна шанса за него сезонава.
Лидс игра топло-ладно
Откако имаше блескав почеток на сезоната и освои седум бода од првите три првенствени натпревари, Лидс оттогаш собра само два бода од последните шест натпревари.
„Белите“ доживеаа пораз од 0:1 на домашен терен против лидерот Арсенал минатиот викенд – натпревар на кој Патрик Бамфорд промаши пенал во второто полувреме – и додека Џеси Марш беше охрабрен со играта на неговата екипа, тие сепак останаа со празни раце и ја продолжија својата серија без победа на шест натпревари.
Паѓајќи на 15-тото место на табелата во Премиер лигата, Лидс се наоѓа на само еден бод над зоната за испаѓање, иако има натпревар помалку од сите пет тима што се под нив на табелата. Со четири од нивните следни пет натпревари против тимови кои моментално се наоѓаат на 10-тото или пониско место на табелата, Марш се надева дека ќе го променат пласманот наредните недели.
Додека Лидс се покажа прилично добро на домашен терен, со поразот минатиот викенд против Арсенал за прв на Еланд Роуд оваа сезона, Белите се мачеа на гостински терен, освојувајќи само еден бод на гости од можните 12 и губејќи го секој од последните три гостински меча надвор од Западен Јоркшир.
Тимски новости: Лестер
Роџерс има одредени проблеми со составот и не може да смета на Мадисон, Ндиди и Переира. На повреди се жалат и Сојунчу и Еванс од одбраната, но барем еден од нив сигурно ќе биде во составот на овој меч.
Можен стартен состав на Лестер Сити 4-1-4-1: Вард; Кастање, Амартеј, Фаес, Џастин; Соумаре; Албригтон, Тилеманс, Девсбери-Хол, Барнс; Дака
Тимски новости: Лидс
Марш нема сериозни проблеми со составор и може да смета на најдобрите, иако веќе подолго време е без Далас во составот.
Можен стартен состав на Лидс 4-2-3-1: Меслиер; Кристенсен, Кох, Купер, Фирпо; Адамс, Рока; Синистера, Аронсон, Харисон; Бамфорд
Очекување:
Лестер ќе нападне и тука нема никаков сомнеж. Роџерс мора да победи ако сака да преживее на клупата на Лестер бидејќи ги потроши речиси сите кредити. Тоа пак ќе биде шанса за Лидс кој има одлични крилни фудбалери и брза средина. Мислам дека можеме да очекуваме голови и на двете страни и затоа мој предлог е ГГ.
Be the first to comment