Шкендија гостува во главниград на Ерменија, Ереван, на реванш натпреварот од првото коло во Конференциската европска лига. Во Скопје беше 2:0 за македонскиот тим, па сега екипата од Тетово се очекува да го завери пласманот во следната рунда.
Шкендија со едната нога е во следната фаза
Шкендија беше подобар тим на првиот меч во Скопје и сосема заслужено славеа победа од 2:0. Но тоа никако не смее да ги залаже пред реваншот во Ереван. Артим Шаќири во Скопје излезе со оние фудбалери кои го понесоа товарот минатата сезона, па новите засилувања добија само епизодна улога, но можно е некој од нив да стартува во Ерменија.
Во Тетово дојдоа неколку одлични засилувања, Шкендија видно се засили пред овие европски натпревари во кои има високи амбиции. Тренерот Шаќири има одличен колектив и одлично пазареше летово, особено кога станува збор за офанзивниот дел на тимот.меѓу кои и трансфер бомбата на преодниот рок Влатко Стојановски. Откако не се снајде најдобро во Франција, па минатата сезона одигра 23 натпревари во најдобрата хрватска лига за Горица, Стојановски сега е главниот напаѓач во Шкендија. Од напаѓачот кој играше за Македонија на ЕУРО 2020 се очекува многу и тој дебитираше на предходниот дуел одигрувајќи 25 минути.
Дебитираше и бразилскиот напаѓач Вагнер, а сега на реваншот се очекува деби и на дефанзивецот од Чешка Јан Вондра.
Веројатно Шаќири ќе излезе со нешто подефанзивна формација, но тоа не значи дека Шкендија ќе се брани. Сепак, ќе игра претпазливо и ќе ја чека својата шанса од контра напади.
Арарат ќе тргне на се или ништо
Арарат можеби не е најтрајтивен тим, но е крајно опасна екипа која постојано игра во Европа. Имаат акумулирано доволно големо искуство за да изненадат и покрај негативата. Ерменците минатата сезона во првото квалификациско коло во Лигата на Конференции го елиминираа МОЛ Фехервар. Во Ереван беше 2:0 за домашните, додека во реваншот во Унгарија беше 1:1. Тоа е само уште една потврда дека на домашен терен знаат да бидат и тоа како опасни против било кој противник.
Минатата сезона завршија на 4-то место во Ерменија, пред се поради очајниот крај на сезоната. Сепак, оваа сеона ќе се борат за титулата особено по одличниот транфер период.
Тој тим од минатата сезона е ист, останаа најдобрите фудбалери па и сега дополнително е засилен. Во Скопје не беа на нивото, но повторно беа доста опасни во некои ситуации. Сега пред своите навивачи ќе нападнат со сите сили и ќе одат на се или ништо. Можеме да очекуваме многу трчање од нив, како и голема борба.
Очекување:
Шкендија ќе биде претпазлива, но тоа е екипа која не знае да се брани. Тетовскиот тим ќе се обиде да ја контролира средината и да го има поседот на топката на своја страна и ако успее во тоа, пласманот во следната рунда ќе биде загарантиран. Шкендија може и до гол, но Арарат ќе биде значително поофанзивен од првиот меч па јас очекувам дека ќе ја затресат мрежата барем еднаш.
Be the first to comment