Реал Мадрид ќе сака на полесен начин да го резервира својот пласман во четврт-финалето од Лигата на шампионите кога во вторник вечерта ја пречекува Аталанта. Реал славеше на првиот дуел во Бергамо со 0:1 и сега буквално се е на нивната страна.
На Реал му недостасуваа голем број важни играчи за првиот натпревар против Аталанта, но Реал имаше среќа речиси цел меч да го игра со играч повеќе и знаеше како да го искористи тоа.
Реал со убава предност, но предпазлив
Шпанскиот гигант сака да избегне елиминација во осминафиналето од Лигата на шампионите трета година по ред, откако загуби од Ајакс и Манчестер Сити во изминатите две сезони.
Шпанскиот шампион всушност освои само пет од последните 11 натпревари во ова натпреварување, загуби седум од последните 18, но тие беа победници во 11 од последните 12 натпревари со италијански противници, вклучувајќи и две победи над Интер во групната фаза на турнирот оваа сезона.
Реал Мадрид ќе влезе во натпревар по победата над Елче во Ла Лига со 2:1 во сабота, со што се искачи на втората позиција на табелата, со шест бода помалку од лидерот Атлетико Мадрид.
13-кратниот европски шампион не се смета за еден од фаворитите сезонава во ова натпреварување, но едноставно не може да се намали нивното влијание или пак нивните шанси поради нивниот неодамнешен неуспех.
Сега Зидан ќе смета на речиси целиот тим, а Аталанта ќе има речиси невозможна мисија. Единствено Карвахал, Касемири, Мариано и Одриозола се повредени кај Реал Мадрид и ќе го пропуштат овој дуел.
Аталанта не е без шанси во Мадрид
Аталанта има се што е потребно за да славо во главниот град на Шпанија. Единствено можеби им недостасува искуство за такво нешто. Црвениот картон на Ремо Фројлер во 17-та минута на првиот натпревар, му донесе огромна предност на Реал Мадрид и на крајот сето тоа заврши со пораз на домашните. Но тој меч не може да биде слика и прилика з аона што ќе се случува во Мадрид. Аталанта веќе на многу пати докажа и покажа дека знае да игра против најдобрите и дека секогаш игра на гол повеќе од противникот.
Италијанскиот тим имаше малку подолго време да се подготви за овој натпревар, бидејќи тие меќот од Серија А го одиграа во петокот и славеа над Специја со 3:1.
Аталанта стигна до четврт-финалето минатата сезона во Лигата на шампионите во нивниот прв настап во ова натпреварување, а на крајот загуби со 2:1 од финалистот ПСЖ.
Избраниците на Гасперини имаат импресивни победи во последните пет натпревари во Лигата на шампионите на гости, додека тие беа поразени на само седум од последните 30 европски натпревари, забележувајќи 14 победи во овој процес.
Be the first to comment