Сасуоло го пречекува Беневенто на „Мапеи“ стадионот во петокот вечерта со можност да се врати на второто место на табелата во Серија А. Домаќинот е фаворит, но Беневенто на последните три меча покажа дека може да игра и против најдобрите во Италија.
Де Зебри прави одлична работа со Сасуоло
Сасуоло ужива сезонава во секој поглед. Од самиот старт на сезоната игра цврсто, дури и убаво за око и не е чудо што тие гимаат само два бода помалку од вториот Интер. Долго време немаа пораз, цела сезона, кога пред едно коло токму Интер славеше со 0:3 за прв пораз на Сасуоло. Минатото коло пак оваа екипа одигра 1:1 кај Рома, па конечно по тој тежок распоред сега играат повторно против екипа која ќе биде аутсајдер.
После овој меч, Сасуоло има тежок распоред и ќе игра со Милан, Аталанта и Јувентус во рок од само пет натпревари. Затоа, победа на овој меч против Беневенто ќе биде од големо значење за целата екипа и целосно ќе му ја олесни работата на Де Зерби за наредните мечеви.
Беневенто ја подигнува формата
Беневенто се наоѓа во добра серија и нема пораз на последните три натпревари, на кои забележа победа, па две ремија во серија. Интересно, но оваа серија дојде во момент кога тоа најмалку се очекуваше. Прво Беневенто славеше на тешкото гостување кај Фиорентина со 0:1. Следеше големо изненадување на мечот со Јувентус, откако двете екипи ги поделија бодовите играјќи 1:1, за во минатото коло Беневенто да ремизира 0:0 на гости кај Парма.
Овие позитивни резултати, дојдоа веднаш по серијата од четири порази по ред што значи дека Беневенто се наоѓа во добра форма. Се чини дека паузата за меѓународни репрезентативни натпревари во ноември, дојде како позитивен шок за екипата на Филипо Инзаги.
Сепак, Инзаги знае дека ги очекува тешка задача, а тој ќе биде задоволен и со бод од ова гостување кај Сасуоло.
Можна почетна постава на Сасуоло:
4-2-3-1 – Пеголо; Ајхан, Сантос, Ферари, Рожерио; Обианг, Локатели; Берарди, Ѓуричиќ, Бога; Распадори
Можна почетна постава на Беневенто:
4-2-2 – Монтипо; Летиција, Туја, Глик, Барба; Хетемај, Јонита, Импрота, Инсиње; Лападула, Капрари
Be the first to comment