Денес сите очи во фубалска Европа ќе бидат насочени кон „Вембли“, каде ќе биде познат новиот европски шампион, а за круната ќе се борат Реал Мадрид и Борусија Дортмунд.
Реал Мадрид е рекордер со 14 титули во ова натпреварување и до сега одиграл 17 финалиња, па слободно може да се каже дека ова за нив стана рутина. Од друга страна Борусија Дортмунд има само еден трофеј освоен во 1997 година и за нив вечерашниот триумф ќе биде историја.
Дортмунд сака да испише историја
Борусија Дортмунд е најпријатното изненадуваање оваа сезона во Лигата на шампиони. Во Бундеслигата не игра според очекувањата, меѓутоа, во Лигата на шампиони игра одлично и стигна до финале. Дортмунд беше во најтешката група заедно со ПСЖ, Милан и Њукасл и успеа да заврши на првото место, па уште тогаш најави дека ќе биде незгоден противник за секого во ова натпреварување. Во четвртфиналето го елиминира Атлетико Мадрид, кој оваа сезона играше одлично во ЛШ, а во полуфиналето успеа да го елиминира еден од најголемите фаворити во елитното натпреварување, Пари Сент Жермен. „Милионерите“ имаат само еден трофеј во ЛШ и тоа во 1997 година и од тогаш само еднаш стигнаа до финалето и тоа во 2013 година, кога беа поразени од Баерн Минхен. Единаесет години подоцна повторно се на Вембли и се на чекор до трофејот, но овој пат задачата е уште потешка бидејќи против себе го имаат најтрофејниот клуб во Европа.
Реал скоро никогаш не губи финалиња
И оваа сезона „кралевите“ влегоја како еден од најголемите фаворити во Лигата на шампиони, и тоа го потврдија со игрите во групната фаза. Во осминафиналето го елиминираа Лајпциг, малку потешко од очекувањата, но тоа потврдува дека во елиминациите во ЛШ нема лесни натпревари. Потоа следуваше дуел Манчестер Сити кој според многумина беше окарактеризиран како „финале пред финалето“.Реал успеа да излезе како победник со паметка и тактичка игра во реваншот, а нешто слично одигра и во првиот полуфинален дуел во Минхен. Во полуфиналето го елиминира Баерн и тоа со два гола во финишот, па успеа да се пласира до ново финале. Реал е рекордер со 14 освоени титули и тоа од 17 одиграни финалиња, па слободно може да се каже дека „кралевите“ не паметат кога последен пат загубиле во финалето. Ја имаат улогата на големи фаворити, но исто така имаат и искусен тренер кој знае дека не треба да се потцени никој противник и ја има почуствувано горчината на пораз во финале, а игра за рекордна 5-та титула во ЛШ како тренер. Што се однесува до повредени играчи нема да може да смета на Чуамени, а на голот се враќа Куртоа.
Богата меѓусебна историја
Од 2012 година наваму двата тима имаат одиграни дури 10 пати помеѓу себе во Лигата на шампиони. Реал Мадрид е во мала предност со 4 победи, 3 ремија и 3 порази. Четири од тие дуели биле во елиминациската фаза и тоа „милионерите“ победуваат во полуфанале во 2013 година, но само година подоцна Реал се одмаздува во четвртфиналето. Последен пат играа во 2017 година, кога Шпанците победија на двата натпревари.
Веројатни состави
Борусија Дотмунд: Кобел, Матсеен, Шлотербег, Хумелс, Реирсон, Сабицер, Емре Чан, Јулијан Брант, Санчо, Адејеми, Филкруг.
Реал Мадрид: Куртоа, Карвахал, Рудигер, Милитао, Менди, Валверде, Крос, Камавинга, Белингам, Родриго, Винисиус.
Очекување
Со оглед на фактот што двата тима играат отворен фудбал и сакаат да се надигруваат со противникот очекуваме ефикасен меч со голови на двете страни и покрај фактот што е финале.
Be the first to comment