Денес нема голема понуда за обложување, а ние за вас ќе го анализираме дуелот од Серија А помеѓу Џенова и Каљари.
Џенова игра над очекувањата
Џенова оваа сезона ја одигра над очекувањата и Џилардино покажа дека одлично го води тимот. Откако експресно се вратија во Серија А нивна цел оваа сезона беше да обезбедат опстанок во лигата, но никој не очекуваше тоа да го направат толку лесно. Џенова игра одлично, па иако моментално е во пад на формата и има само една победа на последните пет меча, сепак е на 12-то место на табелата. Тимот е во сигурната зона, игра растеретено без притисок, па сигурно е фаворит на овој меч и ќе сака да ги освои трите бода. Треба да се напомене дека на почетокот на сезоната беа доведени добри засилувања како Ретеги и Месијас, а тимот игра одлично на домашен терен. Ова е дуел на два тима со голема традиција и ривалство, па сигурно тоа ќе биде мотив повеќе за да се освојат бодови.
Каљари ја подобри формата кога беше најпотребно
Тимот од Сардинија експресно се врати во Серија А после само една година помината во Серија Б, па сега главната цел оваа сезона ќе биде опстанок во елитата. Каљари лошо ја отвори сезоната, но како одминуваше сезоната игра се подобро. Најсилен адут на овој тим е домашниот терен и најголем дел од бодовите ги освојува дома, но во последно време почна да игра добро и на гости. Тимот на Раниери во последно време е во добра форма и нема пораз на последните четири меча, притоа остана непоразен со фаворитите Интер и Јувентус, што додатно ја крена самодовербата во тимот.Каљари моментално е на 14-то место на табелата и е на добар пат да обезбеди опстанок, но сепак исклучително важен е овој натпревар, па ќе направи се за да остане непоразен.
Очекување
Домаќинот е благ фаворит на овој меч, но очекуваме израмнет дуел кој ќе го одлучуваат детали и веруваме дека ќе има голови на двете страни.
Be the first to comment