Денес во фокусот секако ќе бидат натпреварите од нокаут фазата во Лигата на шампиони, а ние за вас ќе го анализираме дуелот помеѓу Наполи и Барселона.
Дуел на шампионите на Италија и Шпанија кој треба да биде најголемо дерби во оваа фаза од Лигата на шампиони, но двата тима разочараа оваа сезона и играат под очекувањата.
Наполи не личи на себе
Актуелниот шампион на Италија буквално не личи на себе оваа сезона и игра под сите очекувања. Италија не памети полоши резултати на еден актуелен шампион и Наполи моменатлно се наоѓа на средина на табелата. Во октомври беше направена тренерска смена после лошиот старт на сезоната, но со доаѓањето на Мацари резултатите само станаа полоши. Во Лигата на шампиони Наполи одигра добро во првата фаза, собра 10 бода и заврши на второто место веднаш позади Реал Мадрид. Таа беше единствена цел која Наполи ја оствари оваа сезона, но сега веднаш доби силен противник во осминафиналето. Тимот се наоѓа во исклучително лоша форма, победи само еден од последните пет меча, но сигурно нема лесно да се предаде. Предност ќе биде домашниот терен и ќе се обиде Наполи да стигне до победа против Барселона.
Барселона разочара сезонава
Барселона исто така разочара оваа сезона и моментално се наоѓа на третото место во Ла Лига со цели осум бода заостанување зад лидерот. Чави сигурно нема да се предаде до крај, но малку кој верува дека Каталонците можат да ја одбранат титулата. Атмосферата во тимот не е добра, Барса не игра на препознатливото ниво. Во последно време ја поправи формата и на последните четири меча запиша три победи и едно реми, а сега целта е да се оствари позитивен резултат во Неапол. Во Лигата на шампиони овој тим има искуство и знае да игра на резултат што покажа во првиот дел, кога лесно ја мина групната фаза. Барса игра отворен фудбал и сигурно ќе оди на победа уште во првиот меч, а тоа е предуслов за возбудлив натпревар.
Очекувања
Двата тима играат променливо и се непредвидливи, но играат офанзивен фудбал, па очекуваме голови на двете страни.
Be the first to comment