Денес продолжуваат натпреварите од Лигата на шампиони, а ние за вас ќе го анализираме дуелот помеѓу Лацио и Баерн Минхен.
Лацио немаше среќа во ждребот
Лацио после неколку сезони се врати во најелитното натпреварување и ја оствари главната цел – пласман во нокаут фазата. Тимот на Сари воопшто немаше лесна група, но успеа да заврши на второто место веднаш позади Атлетико Мадрид. Сепак, Лацио немаше среќа во ждребот и за противник го доби еден од најсилните тимови во лигата. Иако нема однапред да се предаде, сепак јасно е дека ќе му биде потребно „чудо“ да се пласира во четвртфиналето. Лацио оваа сезона го плати данокот од играњето во ЛШ и во Серија А каде заостанува многу, иако во последно време ја поправи формата. Според квалитетот е голем аутсајдер, а пресни се сеќавањата како пред неколку години беше прегазен токму од Баерн Минхен. Поради тоа тимот на Сари ќе игра претпазливо и ќе се обиде да оствари позитивен резултат пред реваншот во Минхен.
Баерн мора да се „разбуди“ што поскоро
Главна цел и оваа сезона за Баерн Минхен е титулата во Лигата на шампиони и тоа го најавија со ангажманот на Хари Кејн. Баварците се одлични во ова натпреварување и во групата немаа никакви проблеми. Целта е да одат до финалето, па сега имаат противник по мерка и не би требало да има проблем да се пласира во следната фаза. Меѓутоа, Баерн не игра според очекувањата во Бундеслигата, а пред неколку дена беше прегазен од најголемиот конкурент Леверкузен. Поради тоа Тухел сега нема право на кикс и ќе сака веднаш да се врати на победничките патеки. Квалитетот и традицијата се на нивна страна и сигурно дека доаѓаат по победа во Рим.
Очекување
Баерн ја има најдолата серија без пораз на гостувањата во ЛШ, а тоа доволно говори каков фаворит е на овој меч. Лацио нема лесно да се предаде, па очекуваме ефикасен меч.
Be the first to comment