Денес има голема понуда за обложување, а најинтересниот дуел се игра во Премиер лигата помеѓу лондонските тимови Вест Хем и Арсенал.
Арсенал е лидер на табелата, се бори за шампион и нема право на кикс после ремито во минатото коло. Од друга страна Вест Хем го чека грчевитра борба за опстанок и ќе се бори за секој бод. Тоа е предулосв за возбудлив и неизвесен натпревар.
Вест Хем најголемо разочарување сезонава
Вест Хем е едно од најголемите разочарувања сезоната и покрај големите вложувања и засилувања се бори за опстанок. Се очекуваше „чеканите“ да бидат во горниот дел од табелата, но тие од самиот старт играат очајно и цело време се на дното. Со двете победи на последните три меча се искачија на 13-то место на табелата, но имаат само три бода повеќе од зоната за испаѓање. Конкуренцијата за опстанок е голема, па за Вест Хем секој бод е важен, особено на домашен терен. Сега на гости им доаѓа лидерот на табелата, па сигурно нема да биде лесно за „чеканите“ да останат непоразени. Тимот во последно време ја подобри формата и има само еден пораз на последните четири меча. Добро е што Мојс на овој меч може да смета на целиот тим, нема повредени фудбалери, единстевно Скамака е неизвесен.
Арсенал повеќе нема право на кикс
Арсенал е лидер на табелата и има пет бода предност пред Манчестер Сити, но и натпревар повеќе,па се чини дека ова е најважниот натпревар за „топџиите“. Доколку успеат да победат на ова тешко гостување ќе бидат поблиску до остварување на целта. Минатото коло испуштија драгоцени бодови на „Енфилд“, особено поради фактот што имаа предност од два гола против Ливерпул. Арсенал игра сезона каква ниту најголемите оптимисти не можеа да замислат. Најпрво се мислеше дека тоа е само одличен старт на сезоната и дека „топџиите“ ќе паднат после Мундијалот, но тимот на Артета покажа одличен континуитет. После елиминацијата во Лига Европа се насочија само кон Премиер лигата и се во исклучителна форма, но Сити притиска, па немаат право на кикс. Иако има многу млад тим се чини дека „топџиите“ се зрели оваа сезона да ја освојат титулата после многу години. Што се однесува до тимот Артета нема да може да смета на Нкетија и Елнени, а неизвесен е и настапот на Салиба.
Очекување
Формата и квалитетот се на страната на гостите, па веруваме дека Арсенал нема да си дозволи уште еден кикс и ќе ги освои трите бода, иако тоа воопшто нема да биде лесно, а Вест Хем како предност ќе го има домашниот терен.
Be the first to comment