Денес на програмата се реванш дуелите од Лига Европа, а во фокусот секако ќе биде дуелот на „Олд Трафорд“ помеѓу Манчестер Јунајтед и Барселона.
Првиот дуел на овие два тима донесе вистински спектакл кој заврши без победник 2:2. Уште од стартот беше јасно дека победникот ќе се решава во реваншот, па двата тима влегуваат со подеднакви шанси, иако Јунајтед е благ фаворит поради домашниот терен.
Манчестер Јунајтед е во одлична форма
Манчестер Јунајтед оваа сезона конечно постигнува резултати какви што му доликуваат на реномето на овој клуб. Иако малкумина го очекуваа тоа, сепак Јунајтед е се уште во ситуација да се замеша за титулата во Премиер лигата и сигурно дека до крај ќе се бори, но секако примарна цел е пласмна во Топ 4 и обезбедување на пласман во Лигата на шампиони. Тен Хаг комплетно го промени лицето на тимот, „црвените ѓаволи“ играат на победа во секој меч и се во одлична форма во моментов. Тоа се виде и на првиот меч на Камп Ноу, каде Јунајтед се надигруваше со Барселона и лесно можеше да победи, па до самиот крај имаше предност. Тоа покажува дека „црвените ѓаволи“ ќе се борат за трофејот во Лига Европа и сигурно нема да го потценат ова натпреварување. Домашниот терен ќе биде голема предност, а самодовербата на тимот е голема, бидејќи Јунајтед нема пораз на последните осум меча во сите конкуренции. Кога е во прашање тимот, Тен Хаг нема да може да смета на Ериксен и Гринвуд, а под знак прашалник се Антони и Марсијал.
Барселона сака двојна круна
Барселона лошо ја отвори европската сезона оваа година и беше елиминирана во групната фаза од Лигата на шампиони. За волја на вистината Каталонците беа во многу тешка група, но секако дека очекувањата беа многу поголеми, особено откако во летниот преоден рок пристигнаа големи засилувања. Меѓутоа, како што одминува сезоната Барса игра се подобро и моментално е лидер во Примера со 8 бода предност пред Реал Мадрид. Пирмарна цел е секако враќање на титулата во Шпанија, но Чави ќе се обиде да стигне и до европски трофеј. Во првиот дуел се виде дека Барса ќе се бори до крај за да го елиминира Јунајтед, а знае дека тоа ќе значи полесен пат до самата завршница. Со оглед на фактот дека не важи правилото со гол во гости, Каталонците со подеднакви шанси влегуваат во овој меч и свесни дека може да ја остварат целта после продолжение или пенали. Она што не е добро за Чави е што нема да може да смета на Гави, кој има жолти картони, а под знак прашалник се настапите на Педри и Дембеле.
Очекување
Во дуел на два европски гиганти нема фаворити, па очекуваме неизвесен дуел, а победникот може да биде решен и после продолженија или пенали. Сепак, ова е дуел на два тима кои играат офанзивен фудбал, па веруваме дека ќе има голови на двете страни.
Be the first to comment