Борусија М.-Баерн М.: Не можевме да посакаме подобар старт во Бундеслигата

август 13, 2021 Jovica Анализа на натпревари

Одбраната на Баерн Минхен на титулата во Бундеслигата започнува во петок вечерта со гостување кај Борусија Менхенгладбах во воведниот натпревар од сезоната 2021-22. Не можевме да посакаме подобар старт на сезоната во Германија.

Двете екипи влегуваат во новата сезона со нови менаџери, бидејќи Ади Хатер и Јулијан Нагелсман ќе дебитираат на клупите на двете екипи.

Менхенгладбах тргнува по пласман во ЛШ

Можеби беше шикирачко за сите во тимот заминувањето на тренетот Марко Роуз во Борусија Дортмунд, но поранешниот тренер на Ајнтрахт Франкфурт, Хутер е одличен избор, а тоа се покажа веднаш и во релативно успешниот предсезонски период со Менхенгладбах, кој вклучуваше победа од 2:0 токму над Баерн пред само две недели.

Исто така, тимот ја отвори својата натпреварувачка кампања против Кајзерслаутерн во првото коло на ДФБ-Покал Купот во понеделникот и победи со 1:0.

Несреќниот тек на Бундеслигата помеѓу јануари и март ги уништи надежите на Менхенгладбах за втор последователен настап во Лигата на шампионите. Но токму тоа е целта оваа сезона на новиот менаџер Хутер.

На Нагелсман ќе му треба повеќе време

Откако освои се што можеше да се освои за време на неговата краткотрајна кариера како менаџер на Баерн, Ханси Флик беше назначен за наследник на Јоаким Лев во германската репрезентација.

Уште како менаџерски дебитант на само 34-годишна возраст, Јулијан Нагелсман им рече не на Тотенхем и Баерн Минхен, но откако се почуствува заситен од Лајпциг, сега ете го тука во Баерн Минхен.

31-кратниот германски шампион, сега ја бара својата 10-та последователна титула, но тие претрпеа порази пред сезоната од Менхенгладбах, Наполи и Келн, додека исто така одиграа нерешено 2:2 со Ајакс, а нивната импровизирана младешка одбрана прими 10 гола во текот на нивните четири пријателски средби.

Нагелсман требаше да ја започне својата натпреварувачка кариера во Баерн против Бремер во ДФБ-Покал, пред да се одложи натпреварот поради појава на коронавирус во клубот, така што петочниот меч ќе биде негово деби, пред дуелот во Суперкупот следната недела против Дортмунд.

Иако поразот од 2:0 од Менхенгладбах во претсезоната не треба да се зема здраво за готово, сепак јасно е дека на Нагелсман ќе му треба повеќе време за да го наметне својот стил на игра кај баварците.