Данска се подготвува да ја продолжи мисијата на ЕУРО 2020 во четврток во рамки на групата Б, кога ја пречекува Белгија на стадионот Паркен во Копенхаген. Интересен меч од многу аспекти, меч во кои ќе има преголема сентименталност и меч кои ќе се одигра со голема почит кон Ериксен.
Данска ќе игра за Ериксен
Избраниците на Каспер Хјулманд ја започнаа својата кампања со пораз од Финска со 1:0, на денот кога фудбалот се најде на второто место. Резултатот се претвори во безначајност, додека фудбалскиот свет со нетрпение ги очекуваше новостите за состојбата на Кристијан Ериксен по срцевиот застој на плејмејкерот во првото полувреме. За среќа се се заврши со позитивен исход, па мечот продолжи по речиси час и половина, а на крајот Финците славеа победа.
Се виде дека на данците не им е до фудбал и со мислите се кон здравјето на Ериксен. Не дека беа лоши на терен, но им фалеше концентрација, па дури и промашија пенал преку Хојбјерг.
Сега, фудбалерите на Хјулманд ќе водат тешка битка за да освојат едно од првите две места во групата Б. Шансите за тоа се значително намалени. Ќе треба да освојат барем бод против Белгија, па да одат на се или ништо на последниот меч во групата против Русија. Впрочем, самото отсуство на Ериксен е само по себе голем удар за амбициите на Данска на ова Европско Првенство. Едноставно е, Данска не е иста со него и без него на теренот.
Белгија е голем фаворит
Sвездениот напаѓач Ромелу Лукаку му оддаде пригодна почит на својот соиграч од „нероазурите“, Ериксен, откако даде гол против Русија. Напаѓачот беше незапирлив во убедливиот успех од 3:0, постигнувајќи два гола.
„Црвените ѓаволи“ по еден натпревар брзо се искачија на врвот во групата Б, и секако се очекува да го одржат тој пласман во текот на следната недела.
Мартинез сега е во серија од 10 меча без пораз, а победата на денот на отворањето над Русија ја претставуваше неговата седма победа на Европските првенства со Белгија. Победа над Данска ќе го однесе на исто ниво со националниот рекордер Гај Тајс кој има осум победи во ова натпреварување.
Белгија има високи амбиции на ова ЕУРО. Имаат неверојатен талент, а ова Европско е можеби последната шанса на оваа генерација која е најдобрата во историјата на Белгија за да дојде до трофеј на континентално ниво.
Прогноза
Минатата година Белгија на два пати славеше над Данска во Лигата на Нации, дома со 2:0, а на истиот овој стадион во Данска беше 2:4. Белгија е фаворит од секоја гледна точка. Ако бараме предност на Данска, тоа е само домашниот терен, или пак можеби желбата на фудбалерите да одиграат и победат за Ериксен.
Ќе биде ова интересен меч, но и сентиментален за двете репрезентации. Во секој случај, квалитетот на Белгија е голем и јас очекувам нивна победа на овој натпревар. Искрено и коефициентот не е воопшто за потценување и е исплатлив за ризикување.
Be the first to comment