Како се ближи стартот на ЕУРО 2020, атмосферата се повеќе се загреава и сите со нетрпение го очекуваме отварањето. Веќе подолго време тимот на kladenje.mk ви ги претставува репрезентациите учеснички на мундијалот, групите и слично, а сега ви го претставуваме и експертскиот прогнозерски тим во кој се најдоа и два поранешни фудбалери и репрезентативци на Македонија.
Александар Васоски и Панче Ќумбев ќе бидат во експертскиот прогнозерски тим на kladenje.mk. Поранешните фудбалери и македонски репрезентативци ќе ги анализираат и прогнозираат сите натпревари од групната фаза на ЕУРО 2020.
Популарниот “Тетовче” ќе биде задолжен за анализа на натпреварите од групите Б, Д и Ф. Ќумбев пак од друга страна ќе ги анализира и прогнозира натпреварите од групите А, Ц и Е.
За двајцата поранешни фудбалери и репрезентативци на Македонија, не треба да се трошат премногу зборови.
Актуелниот тренер на Академија Пандев, Васоски своето име како играч најмногу го изгради во Германија каде што од 2005 до 2011 го носеше дресот на Ајнтрахт Франкфурт. И како тренер Васоски има солидна кариера, а со Вардар инатата сезона ја освои титулата и покрај сите проблеми во клубот. Денес како што споменавме го води тимот на македонскиот капитен – Академија Пандев.
Васоски исто така ќе го даде својот стручен коментар за натпреварите на репрезентацијата на Македонија на првиот историски настап на едно големо натпреварување.
Панче Ќумбев пак моментално е Претседател на синдикатот на фудбалери на Македонија. Во играчата кариера играше за Борец, Победа и Работнички во Македонија, а голема трага остави и во Полска каде играше во најдобриот тим во земјата, Легија Варшава. Поранешниот македонки репрезентативец веќе беше во експертскиот тим на kladenje.mk на Светското Првенство во Русија заедно со Гачевски и Брдаровски и покажа големи прогнозерски способности.
Да видиме кој ќе биде поуспешен на крајот 😊
Be the first to comment