Составот на Хрватска за ЕУРО 2020 е познат и нема поголеми изненадувања на него. Вицешампионот на Светското Првенство од пред три години е подготвен за групата на Еуро 2020 заедно со Англија, Чешка и Шкотска, една тешка група во која Хрватска ќе треба да одигра н анајвисоко ниво ако сака да помине во следната фаза.
Додека другите тимови откриваат многу доцна со кои 26 фудбалери ќе патуваат на шампионатот, списокот на резервни играчи во Хрватска е голем но беше познато одамна со кој играчи ќе настапи оваа селекција на првенството.
Состав на Хрватска за ЕУРО 2020
Г: Ловре Калиниќ (Хајдук Сплит)
Г: Доминик Ливаковиќ (Динамо Загреб)
Г: Симон Слуга (Лутон)
Д: Домагој Вида (Бешикташ)
Д: Јошко Гвардиол (РБ Лајпциг)
Д: Домагој Брадариќ (Лил)
Д: Миле Шкориќ (Осиек)
Д: Дејан Ловрен (Зенит Санкт Петербург)
Д: Симе Вршаљко (Атлетико Мадрид)
Д: Борна Баришиќ (Ренџерс)
Д: Дује Калета-Цар (Марсеј)
Д: Јосип Јурановиќ (Легија Варшава)
С: Лука Модриќ (Реал Мадрид)
С: Матео Ковачиќ (Челзи)
С: Марсело Брозовиќ (Интер)
С: Милан Бадељ (Џенова)
С: Марио Пашалиќ (Аталанта)
С: Никола Власиќ (ЦСКА Москва)
С: Иван Перишиќ (Интер)
С: Јосип Брекало (Волфсбург)
С: Мислав Оршиќ (Динамо Загреб)
Н: Андреј Крамариќ (Хофенхајм)
Н: Анте Будимир (Осасуна)
Н: Кристијан Ловриќ (Горица)
Н: Анте Ребиќ (Милан)
Н: Бруно Петковиќ (Динамо Загреб)
Хрватска оди на овој турнир во невообичаена нова улога. Второпласираните на Светското првенство во 2018 година ја носат тежината на очекувањата како никогаш порано, особено ако се знае дека откако завршија на третото место на во Франција 1998 година, Ватрените не успеаа да се пласираат на ЕУРО 2000.
Во изминатите три години, Хрватска мораше да направи делумна промена на генерациите – никогаш лесна задача за земја со толку мал фонд на фудбалери. Ситуацијата е тешка по ненадејното меѓународно пензионирање на Иван Ракитиќ во септември минатата година, кој ги следеше напаѓачот Марио Манџукиќ и голманот Даниел Субашиќ. Сепак, предводена од Лука Модриќ, Хрватска повторно има селекција за секоја почит.
Некои членови на тимот веќе покажаа голема зрелост, особено чуварот на мрежата на Динамо Загреб, Доминик Ливаковиќ. Мислав Оршиќ од Динамо има неверојатен напредок и го сврте вниманието на фудбалска Европа по неговиот неверојатен хет-трик со кој го исфрли Тотенхем од Лигата на Европа. Тренерот Златко Далиќ може да се потпре на еден играч со кој пошироката европска јавност допрва треба да се запознае – напаѓачот Бруно Петковиќ.
Најважно е што Модриќ, капитенот, се уште игра на највисоко ниво по уште една добра сезона во Реал Мадрид.
Кој е најдобриот фудбалер на Хрватска?
Лука Модриќ е срцето на Хрватска повеќе од една деценија, така што фактот дека тој се уште игра на највисоко ниво не е ништо чудо, дури и со внимателното управување на Зинедин Зидан со обемот на работа на 35-годишниот играч за врска на Реал Мадрид. Без Ракитиќ, Хрватска зависи буквално од играта на Модриќ повеќе од кога било. Ако неговите игри од Реал Мадрид, на овој шампионат се пресликаат во дресот на Хрватска, тогаш оваа селекција повторно може да стигне многу далеку.
Кој е нивниот менаџер?
Златко Далиќ покажа одлични перфоманси на селекторското столче, особено што сега е далеку поискусен по Светското Првенство во 2018 година кога стигна до финалето. Иако резултатите се променливи, 54-годишниот тренер е крајно почитуван од неговите играчи. Селектор кој знае како да ја постави играта на својот тим и менаџер што е голем тактичар, нешто што е од голема важност на големите натпреварувања.
Кој е најдобриот дел на тимот?
Дури и без Ракитиќ, повторно најдобриот дел на тимот е средината, во која играат фудбалери на Реал Мадрид, Интер, Челзи, Аталанта … Многу талент има Далиќ во овој дел од теренот и навистина е тешко да се одберан најдобрите. Јасно е дека Модриќ ќе ја има централната улога во креацијата, а зависни од формацијата покрај него би требало да бидат и Брозовиќ и Ковачич. Хрватска во овој дел е одлично покриена и на бочните позиции каде повторно Далиќ ќе има мака да ги одбете најдобрите.
Предвидување
Групата на Хрватска е исклучително тешка, бидејќи тука се два домаќини (Англија и Шкотска) и повторно разбудената Чешка, чии играчи се повеќе потсетуваат на претходните генерации кои сееја страв во Европа. Како и да е, пласманот во нокаут фазата не треба да биде проблем. Ова е минималното очекување од хрватската јавност која потајно се надева и на многу повеќе. Амбициите по Светското Првенство се на највисоко можно ниво, а тоа е доказ за тоа колку далеку стигна овој тим. Токму поради мундијалот во 2018 година, сите опции за можностите на Хрватска се отворени.
Be the first to comment