ЕУРО 2020: Украина – Вербата во селекцијата се врати, но формата пред ЕП е разочарувачка

Андриј Шевченко има многу дилеи околу составот на Украина пред ЕУРО 2020. Тој објави еден крајно проширен список со 36 фудбалери, а веќе од стартот на подготовките се соочува со сериозни проблеми со повреди.

Националниот херој Андриј Шевченко сепак смирува и убедува дека Украина има одличен тим и е добро покриена на сите позиции со барем по двајца добри фудбалери.

Составот на Украина за ЕУРО 2020:

Г: Андриј Пјатов (Шахтјор Донецк)

Г: Андриј Лунин (Реал Мадрид)

Г: Херохи Бушчан (Динамо Киев)

Г: Анатолиј Трубин (Шахтјор Доњецк)

Д: Микола Матвиенко (Шахтјор Доњецк)

Д: Олександар Караваев (Динамо Киев)

Д: Сергиј Кривцов (Шахтјор Доњецк)

Д: Едуард Собол (Клуб Бриж)

Д: Виталиј Миколенко (Динамо Киев)

Д: Илја Забарни (Динамо Киев)

Д: Виктор Корниенко (Шахтјор Донецк)

Д: Денис Попов (Динамо Киев)

Д: Олександар Тимчик (Динамо Киев)

Д: Олександар Сирота (Динамо Киев)

Д: Богдан Михајличенко (Андерлехт)

С: Роман Безус (Гент)

С: Андриј Јармоленко (Вест Хем Јунајтед)

С: Јевхен Конопјанка (Шахтјор Доњецк)

С: Олександар Зинченко (Манчестер Сити)

С: Руслан Малиновски (Аталанта)

С: Серхиј Сидорчук (Динамо Киев)

С: Виктор Коваленко (Аталанта)

С: Марлос (Шахтјор Донецк)

С: Јевхен Макаренко (Кортријк)

С: Микола Шапаренко (Динамо Киев)

С: Володимир Шепелјев (Динамо Киев)

С: Виктор Циганков (Динамо Киев)

С: Виталиј Бујалски (Динамо Киев)

С: Олександар Зубков (Ференцварош)

С: Тарас Степаненко (Шахтјор Доњецк)

С: Хеорхи Судаков (Шахтјор Донецк)

С: Олександар Андриевски (Динамо Киев)

С: Богдан Леднев (Динамо Киев)

С: Артем Бондаренко (Мариупол)

Н: Роман Јаремчук (Гент)

Н: Артем Довбик (Днипро-1)

Н: Артем Беседин (Динамо Киев)

Шевченко ја презеде селекторската репрезентација веднаш по очајните партии на селекцијата во 2016 година, но постоеја значителни сомневања за неговите способности. Критиките на моменти беа немилосрдни, а по неуспехот на Украина да се квалификува на Светското првенство во Русија, имаше многу барања за негово отпуштање. Но, поранешниот напаѓач остана да докаже дека не сите се во право, а сега Украина се насочува кон ЕУРО 2020 со зголемена самодоверба.

Малкумина очекуваа дека ќе станат сила толку брзо откако го пропуштија тој Мундијал, но земјата распарчена од граѓанска војна е веќе презадоволна од смелиот и привлечен стил што нивниот поранешен херој го наматна.

Квалификациите беа тешки, но тие завршија на врвот од групата пред Португалија и Србија, совладувајќи ја Србија со 5:0 во еден од нивните најдобри настапи. Украина беше без пораз на своите осум натпревари и прими само четири гола.

Сепак, изминатите 12 месеци беа разочарувачки. Испаднаа во Лигата на нации и имаа неколку киксови со послаби селекции. Се на се, тие се во серија од седум мечабез победа и имаат четири ремија по ред.

Освен тоа Украина нема да може да смета на две големи ѕвезди. Поради повреда ЕУРО 2020 ќе го пропуштат Евгениј Конопјанка и Виктор Коваленко.

Кој е најдобриот играч на тимот?

Иако Јармоленко е најозборуваната украинска ѕвезда, Зинченко стана неизоставен дел од овој тим. Левиот бек на Манчестер Сити со својата сестраност може да одговори на секоја позиција која ќе му ја додели Шевченко, а со тек на времето тој стана генерал на средината на теренот, надополнувајќи ја неговата мала градба со брзо размислување и прецизно минување низ противничките одбрани. И повеќе од тоа – тој веќе е прераснат во лидер.

Кој е селектор на Украина?

Само Олег Блохин може да му парира на Андриј Шевченко како најдобар фудбалер на Украина на сите времиња. Шева беше присутен на сите три најголеми турнири за неговата земја како независна нација.

Во 2006 година Шевченко беше меѓу најдобрите играчи во светот откако со Украина стигна до четврт-финалето на СП, а потоа тој го одложи пензионирањето со цел да ги предводи ко-домаќините на ЕУРО 2012.

Четири години подоцна во Франција, поранешниот добитник на „Златната топка“ работеше како асистент на Михајло Фоменко а сега ќе ја води својата земја на ЕУРО 2020.

Кој е најдобриот дел на тимот?

Средината без никаква дилема е најдобриот дел од Украина. Зинченко, Јармоленко, Степаненко, Циганков, Малиновски … дури и без двајцата повредени Конопјанка и Коваленко Шева има одлична средина. Украина има безброј опции во тој дел од теренот и на вака исцрпувачки турнири ќе може да ротира со составот без да се почуствува тоа на теренот. Тоа е можеби од најголемо значење за големи резултати.

Предвидување

Холандија е фаворит во оваа група, а според играчкиот кадар Украина е тука некаде со Австрија. Македонија е аутсајдер, но никако не смее да се потцени. Ако Шевченко успее да го врати тимот во својата форма од минатата година, Укрина ќе биде селекцијата која ќе патува во следната фаза. Сепак од оваа гледна точка тешко е да се предвиди нивниот резултат.