Сите со нетрпение го очекуваат одложеното Ел Класико од 10-то коло во Ла Лига. Дојде време да се одигра тој меч и тоа во доста интересен термин, особено што и Барселона и Реал Мадрид имаат по 35 бода на делба на првата позиција во Шпанија.
Барса киксна, но остана неказнета
Барселона остана на врвот на Ла Лига и покрај тоа што минатиот викенд загуби бодови кај Реал Сосиедад играјќи 2:2.
Нивната серија од шест победи заврши во најнезгоден момент, пред Ел Класико. Примија гол во рана фаза, па Барселона се бореше за да направи пресврт од 1:2 со головите на Антоан Гризман и Луис Суарез. Но примија уште еден гол за 2:2 и беа надирани во буквална смисла на зборот. Како ретко кога, поседот не беше на нивна страна, а упатија само девет удари кон противничкиот ол, з аразлика од Сосиедат кој имаше дури 19 удари кон голот на Барса.
Лионел Меси имаше невообичаено мирен меч без речиси ниту еден блесок, па сега сите во Барса се надеваат дека тој ќе има многу поголемо влијание во играта против Реал Мадрид.
Валверде има речиси полн состав за избор. Само Артур и Дембеле се надвор од стројот.
Реал Мадрид пропушти шанса да се одвои на лидерската позиција
Исто како и Барса, така и Реал Мадрид одигра нерешено минатиот викенд. Тие во Валенсија во неделата одиграа 1:1 знаејќи дека со победа ќе се искачат на лидерското место во Ла Лига.
За разлика од Барса, Реал барем беше надмоќен и веројатно заслужи и три бода. Но на крајот се спасуваа со голот на Бензема во 95-та минута од натпреварот, па од таа ледна точка не смеат да бидат незадоволни.
Токму Бензема сезонава се појавува како главна фигура во предизвикот наречен титула. Лесно беше да се види францускиот напаѓач како назадува во текот на последните неколку сезони во времето на Кристијано Роналдо во клубот, но откако португалецот си замина, Бензема се разигра и ја презеде одговорноста. Тоа особено важи за оваа сезона бидејќи тој постигна 12 гола на 15 натпревари досега.
Но за разлика од Валверде, Зидан има поголеми проблеми и нема да може да смета на Хазард, Асенсио, Родригез и Марсело, а пак настапот на Лукас Васкез е под знак прашалник.
Be the first to comment