Отказот кој го доби Емери од Арсенал го привлекува вниманието на островот овој викенд. Сите со нетрпение очекуваат да видат како ќе изгледа Арсенал без него на клупата. Љумберг е привремено решение, а Норвич е екипа која било кој тренер би ја посакал за своето деби.
Емери е минато, но може ли Љумберг преку ноќ да го подобри Арсенал
Унаи Емери е веќе историја во Арсенал. Не беше никакво изненадување за мене кога видов дека доби отказ. Впрочем, очекував тој отказ да го добие и многу порано, нешто што го очекуваа сите на островот.
Се чинеше неизбежен неговиот отказ по поразот во четвртокот во Лига Европа на домашен терен од Ајнтрахт Франкфурт. Тоа беше седмиот натпревар на Арсенал по ред без победа. Во своите дваесетина години на чело на тимот, Арсен Венгер никогаш немаше полоша серија, од оваа на Емери.
Но да се насочиме на овој меч. Нов предводник на Арсенал е легендата на тимот, Фреди Љунберг, барем засега како привремено решение. Тој имаше само два дена пред овој меч и прашање е какво влијание може да изврши за толку краток временски период. Но тој долго време е во тимот, ги знае сите фудбалери, нивните проблеми … а освен тоа, фудбалерите ќе бидат мотивирани многу повеќе од предходно.
Она што го знаеме е дека „Топџиите“ беа презаситени во поголемиот дел од сезоната. Емери се чинеше како на сила да ги тера своите фудбалери да играат во задниот дел и покрај тоа што немаше играчи способни да го сторат тоа на правилен начин. Добар пример за тоа е минатиот меч против Саутемптон во натпревар во кој лесно можеа да загубат со два-три гола, но некако извлекоа реми 2:2.
Дефанзивни проблеми во Арсенал
Дефанзивците Шкодран Мустафи и Давид Луиз се повредија против Франкфурт и беа заменети на тој меч. Веројатно барем еден од нив ќе настапи на овој меч, но без разлика кој ќе биде тоа, тешко дека ќе може да даде 100% од своите можности.
Би било разумно за Љунберг тој веднаш драстично да направи промени во пристапот на игра. Голема е веројатноста дека тие ќе играат пресинг и ќе бидат високо излезени, а веројатно Арсенал по подолго време ќе игра со четворица во одбраната. Љумберг не смее да дозволи Норвич да проигрува блиску до нивниот гол, бидејќи во тој случај проблемите во одбраната на Арсенал ќе бидат уште поизразени.
Но оние најоптимистични навивачи на Арсенал, доколку се уште постојат такви, може да посочат кон фактот дека Норвич веќе некое време е заглавен во зоната за испаѓање.
Враќањето на Зимерман единствена добра работа во Норвич
Со Норвич никогаш не се знае ништо. Знаат да одиграат најдобро кога тоа најмалку се очекува од нив. Но состојбата во тимот е аква, што од сега па натаму секој освоен бод за нив ќе биде вреден злато. Имаа долга серија порази, но во минатото коло славеа победа и тоа на гости кај Евертон со 0:2. Она што беше забележително беше враќањето по подолго време на повредениот бек Кристоф Зимерман кој беше клучен играч минатата сезона кога Норвич избори пласман во Премиер Лигата.
Германецот помогна Норвич да ја зачува својата мрежа во момент кога дефанзивата на екипата беше најслабата алка.
Во последните натпревари, тие добија пет парчиња против Астон Вила, три (а можеше да биде многу повеќе) од Манчестер Јунајтед и по два гола од Брајтон и Вотфорд.
Можеби го спречија Евертон, но нападот на Арсенал, вклучувајќи го и минатогодишниот добитник на Златната копачка Пјер-Емерик Аубамејанг, ќе биде потежок предизвик. Сепак, треба да се очекува поголема брзина во средниот ред и нападот под водство на новиот шеф во Арсенал, а тоа е дополнителен проблем за Норвич.
Be the first to comment