Се спојуваат два гиганти за обложување: Дали добиваме лидер на пазарот?

Flutter Entertainment се договори за спојување со својот конкурент од Канада, Stars Group.

Со тој договор се создава најголема компанија за обложување на интернет во светот, објави Flutter денес.

Вкупниот годишен приход на двете компании изнесува 4,6 милијарди долари, додека берзанската вредност на новосоздадената компанија се проценува на 11,37 милијарди долари.

Акционерите на Flutter ќе поседуваат 54,6 проценти од новата компанија. Се очекува тој договор да биде завршен во вториот или третиот квартал следната година.

Гери Макген, претседател на Flutter, ќе ја задржи таа позиција во фирмата настаната со спојувањето, која ќе биде со седиште во Даблин и ќе биде котирана на Лондонската берза.

Макген изјави дека таа ќе стане „глобален лидер во брзо растечката индустрија за онлајн обложување на спортски настани“.

Be the first to comment

Leave a Reply