Вчерашниот контролен натпревар меѓу екипите на Дрита и Ренова предизвика голема паника помеѓу локалните, а и светските обложувалници.
Овој натпревар беше најавен како пријателски натпревар помеѓу Дрита (Косово) и Ренова (Македонија), но подоцна се дојде до заклучок дека станува збор за пријателски натпревар помеѓу Дрита од Боговиње и Ренова.
Информациите од спортскиот портал „Спорт Медиа“ говорат дека во многу обложувалници мечот во понудата бил ставен и за уплата во живо како дуел меѓу косовската Дрита и екипата на Ренова.
Некои од букмејкерите за време на натпреварот, а некои дури по него дознале дека всушност не станува збор за дуел меѓу косовскиот и македонскиот тим, туку за дуел на два домашни тима и тоа со драстично различен квалитет.
Во обидот да се спаси дел од „прометот“, некои обложувалници веднаш драстично ги спуштија коефициентите за победа на Ренова, а дел од уплатите во живо биле стопирани. Некои обложувалници денеска ги поништија сите уплати за оваа средба.
Веруваме дека секој што „ја сетил“ работата одлично заработил.
Be the first to comment