Каков само викенд не очекува на фудбалски план. Дерби натпревари на сите страни, речиси во сите подобри фудбалски лиги во Европа. Поточно сабота е денот Д во неколку градови на стариот континент. Ќе се бијат битки за Рим и Лондон, но ќе следиме интересни дуели и во недела во Ливерпул, Неапол и тн.
Дека сабота е ден на дерби натпревари, доказ е мечот помеѓу Реал Мадрид и Барселона. Ова ќе биде нивни трет натпревар во само две недели, а Реал Мадрид ќе се обиде веднаш да и се одмазди на Барса за елиминацијата од Купот. Барселона славеше со неверојатни 0:3 на истиот терен во текот на неделата, па сега се надева дека ќе го повтори тој меч. Но, искрено тешко дека ќе може да се преслика тој резултат.
Најголемото дерби викендов од гледна точка на ривалството, можеби е она во Рим, дербито Лацио – Рома. За нивниот ривалетит не треба премногу да се трошат збороти. Овие две екипи се ривали децении наназад, а тој ривалитет стана симбол на градот кој буквално е поделен кога играат овие две екипи меѓу себе. Ќе следиме голема борба, многу неизвесност но и еден крајно интересен дуел.
Уште еден градски дерби дуел ќе се одигра во Лондон. Арсенал го пречекува Тотенхем во големото дерби на Лондон. Овој меч привлекува огромно внимание деновиве на островот, а има и зошто. Меѓусебе ќе играат две офанзивни екипи, предводени од неверојатни тактичари од клупата па јасно е дека ќе следиме еден супер меч со многу големо тактичко надмудрување од двете страни.
И во недела има дерби дуели, особено дуелот Евертон – Ливерпул. Ова е едно од најголемите и најстарите дерби натпревари во Англија. Битката за Ливерпул секогаш нуди интересни, неизвесни средби со многу борба, како на теренот, така и на трибините. Така ќе биде и овој пат, без разлика што Ливерпул има многу подобар, поквалитетен тим од гратскиот ривал.
Во Неапол пак, Наполи ќе го пречека Јувентус. Неколку години наназад ова е дуелот кој е најинтересен во Серија А, а така е и оваа година. Јуве е прв, Наполи е втор на табелата. Реално, Јувентус е на некој начин старо-нов шампион бидејќи бодовната разлика е речиси недостижна, но тоа нема да ја намали вредноста на овој дуел кој е долго очекуван и доста привлечен.
Be the first to comment