Еден од најинтересните натпревари викендот што доажа ќе се одигра во Милано, каде Милан е домаќин на Јувентус во рамки на 11-то коло во Серија А. Пред стартот на сезонатасе сметаше дека овие два тима ќе го водат главниот збор сезонава, но од оваа гледна точка Милан е далеку од тоа, па Јувентус е голем фаворит за победа на овој меч.
Милан сеуште го воигрува својот тим
Милан никако не успева да влезе во победничка серија. Токму во моментите кога сите ќе помислат дека Милан ќе фати залет се случуваат големи киксови на екипата, која пред сезоната важеше за еден од фаворитите за Скудетото. Големите инвестиции на Росонерите и фудбалерите кои тие ги донесоа во Серија А, може да донесе само позитивни работи и дефинитивно поинтересна сезона за разлика од минатите неколку години, но сепак факт е дека не може да се изгради тим за освојување на титулата преку ноќ, а тоа ние го напоменавме уште во анализата пред стартот на сезоната.
Сезонава Милан не знае да победи во дерби меч
Милан се наоѓа на 8-то место на табелата, што е под сите очекувања пред стартот на сезоната. Екипата досега забележа 5 победи, една нерешена средба и дури 4 порази со гол разлика 16:14 и тоа само по себе говори за променливите игри на овој тим. Интересно но Милан сезонава незнае да извлече бодови во дерби натпреварите. Имено, досега Милан одигра дерби дуели против Лацио од кого загуби со 4:1, со Рома на домашен терен доживеа пораз со 0:2 и во последното дерби на екипата против градскиот ривал Интер доживеа пораз со 3:2. Сепак во овој дуел Милан влегува по убедливата победа во минатото коло над Киево во гости со 1:4 која беше добредојдена за тимот, ако се знае дека на предходните три меча оваа екипа имаше две ремија и еден пораз. За победа на Милан во 1хБет коефициентот е 4.20 со индиции да расте уште повеќе до почетокот на мечот.
Одбраната под очекувањата, нападот без вистински голгетер
Милан во преодниот рок највеќе инвестираше во одбраната и како да заборави на нападот. Трансферот на Бонучи од Јувентус во Милан беше еден од најголемите ова лето во европски рамки. Италијанскиот гигант летово потроши околу 200 милиони евра за нови фудбалери и освен Бунучи ги доведе во своите редови и Андре Силва од Порто, одличните Конти и Кеси од Аталанта, Чалханоглу од Леверкузен, Мусачио од Виљареал, Родригез од Волфсбург, Бглија од Лацио и уште неколкумина помлади фудбалери. Фудбалските експерти и букмејкерите уште тогаш се сомневаа и во квалитетите на Монтела, потенцирајќи дека и покрај многуте засилувања на тимот, Милан не донесе ниту еден врвен голгетер што се одрази негативно врз резултатите.
Јуве со подлабок тим од минатата сезона
Јувентус можеби го загуби Бонучи, но има добри замени во Меди Бенатија, Даниеле Ругани и Матија Де Шиљо кој дојде од Милан со што Јуве изгледа уште помоќен во дефанзивата, а во офанзивата со ангажманот на Федерико Бернардески и Даглас Коста заедно со Дибала ја направија длабочината во тој дел од тимот беспрекорна. Нема потреба да се говори за останатиот дел од тимот, бидејќи на сите ни е јасно дека тие фудбалери неколку сезони по ред се шетаат низ Серија А, а иако сезонава тимот има многу поголема конкуренција повторно е фаворит број еден за титулата.
Јуве со 10 гола на предходните два меча
Јувентус се наоѓа на 3-то место на табелата со 25 бода, односно со 3 бода помалку од лидерот Интер. Оваа екипа досега забележа 8 победи и по едно реми и пораз, но токму тој прв пораз сезонава и тоа од пред три кола од Лацио како да ги разбуди фудбалерите кои на предходните два меча постигнаа 10 гола. Прво совладан беше Удинезе на гости со неверојатни 2:6 и тоа со 4 постигнати гола со играч помалку, а во средата совладан беше и Спал со 4:1. Тоа значи дека Јуве влегува во голгетерска форма, а кога оваа екипа игра на таков начин тешко дека постои друг тим во Италија кој може да ги сопре. За победа на Јувентус на овој меч коефициентот е 1.85 во 1хБет и е во опаѓање.
Дибала во неверојатна форма
Дибала игра неверојатна сезона. Ако минатата сезона овој играч беше најдобар во Серија А, оваа сезона можеби е најдобар на стариот континент. Досега аргентинецот одигра 10 меча, на кој постигна 10 гола, а ако на ова се додадат и неговите асистенции тогаш се доаѓа до заклучок дека токму овој фудбалер со неговите перфоманси е клучот на успехот на Јуве. Интересно, но на предходните 4 средби Дибала постигна само еден гол и тоа токму на минатата средба против Спал, па време е да врзе два гола во серија. Доколку се обложите на тоа дека Дибала ќе постигне гол ќе добиете коефициент 2.00 во 1хБет.
Наш предлог:
Be the first to comment