![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Германската лига многу оддамна не била толку интересна, а овој викенд имаме неколку интересни дуели. Од 18:30 во Минхен ќе допатува тимот на Лајпциг, па овде очекуваме интересен и неизвесен натпревар.
Баварците се во сериозна криза
Баерн Минхен во минатата сезона по 11-ти пат по ред стигна до титулата во германската Бундеслига и тоа после големите драми во последното коло каде што Дортмунд ремизираше против Мајнц, а Баварците вешто го искористија тоа. Тухел на тој начин стигна до титула, но како што кажавме благодарение на киксот на Дортмунд. Оваа сезона може да кажеме дека од Баерн Минхен очекувавме многу повеќе, а посебно лошо играат во последно време и тоа се докажува со трите порази во последните три натпревари. Два беа првенствени и запишаа пораз од Бохум и Леверкузен, а минимално беа поразени и од Лацио во Рим во рамките на Лигата на шампиони. Цел овој учинок ни кажува дека Баварците се во сериозна криза и ретко се случува да врзат толку многу порази.
Пласманот не е сигурен во Лигата на шампиони
Иако Лајпциг е основан пред само 15 години, оваа екипа за релативно кратко време успеа да се пробие до самиот врв од германскиот фудбал, а полека, но сигурно стигнуваат и трофеите. Во последните две сезони успеаа да освојат два германски купови, а ја исполнуваат и својата примарна цел, поточно се пласираат во Лигата на шампионите. Во групната фаза од тоа натпреварување прикажуваа фантастични игри, но во нокаут фазата и покрај тоа што создаваа притисок за жал беа минимално поразени од Реал Мадрид, па сега ќе мора да остварат победа во реванш дуел со два гола разлика што и не е мала работа. Во домашното првенство се наоѓаат на 5-то место и приоритет е тој пласман да се поправи.
Очекување
Ниту едните, а ниту другите не блескаат оваа сезона. Сепак делува дека Баерн Минхен има повеќе шанси за победа на овој натпревар, па ние очекуваме да го остварат тоа.
Be the first to comment