![Tip na denot final1 Тип на денот](https://kladenje.mk/wp-content/uploads/2022/04/Tip-na-denot-final1-678x381.jpg.pagespeed.ce.q-QsTxpUxZ.jpg)
Денес во центарот на вниманието ќе бидат четвртфиналните дуели од Европското првенство за играчи до 21 година, а ние за вас ќе го анализираме дуелот помеѓу Франција и Украина.
Француската репрезентација очекувано немаше проблеми во групната фаза и е еден од најголемите фаворити за златото, додека Украина е најголемото изненадување на турнирот до сега.
Франција е голем фаворит
Французите веќе со години наназад се главни фаворити кога е репрезентативниот фудбал во прашање и имаат големи таленти кои се веќе ѕвезди во своите клубови. Франција знае како да игра на големи натпреварувања и немаше проблем во групната фаза, иако беше во исклучително тешка група. Франција во групната фаза запиша три победи и покажа супериорност, па го потврди фактот дека е најгоелм фаворит за златот. Во тимот имаат ѕвезди како Пјер Калулу, Кефрен Турам, но и сензацијата од оваа сезона во Лига 1, стрелецот Вахи. Сега во четвртфиналето ќе ги одмерат силите против Украина, која е далеку со квалитет, но игра одлично на ова Европско првенство. Се друго освен победа на „триколорите“ ќе биде големо изненадување.
Украина најпријатно изненадување
Младата украинска репрезентација е најпријатното изненадување на турнирот и за нив е голем успех и самото учество во четвртфиналето. Во групната фаза славеа против Хрватска и Романија и одиграа реми против Шпанија, па завршија со исти бодови како „црвената фурија“. Сепак, поради послаба гол разлика завршија на второто место во групата, а тоа за противник им ја донесе силната Франција. Меѓутоа, Украина сигурно нема да се предаде лесно и ќе се обиде да направи уште едно изненадување, а против Шпанија покажа дека оваа репрезентација може да победи секого. Украина не игра дефанзивен фудбал, туку сака да се надигрува со противниците.
Очекување
Според квалитетот и искуството во вакви турнири Франција е голем фаворит и веруваме дека ќе се пласира во полуфиналето, иако Украина нема лесно да се предаде.
Be the first to comment