ЕУРО 2020: Велс – Бејл и Ремзи можат многу, но тешко дека ќе дојде до реприза на ЕП 2016

Составот на Велс за ЕУРО 2020 почна да се оформува многу доцна, но тоа не би требало да е голема пречка за тимот во кои има квалитет. Совладувајќи го Мексико во пријателски натпревар и Чешка во квалификациите за Светското првенство во март, многу играчи од составот на Велс добија добра минутажа од новиот менаџер Роб Пејџ, обидувајќи се да го намали составот на 26 играчи пред шампионатот.

Воглавно составот на Велс се состои од играчи на Чемпионшип, но има поголем број на нови играчи кои би требало да донесат свежина, иако имаше и некои изненадувачки отсуства на фудбалери.

Проблем во Велс е тоа што има неколкумина повредени фудбалери или проблеми со коронавирус, кои го ограничуваат учеството, па тимот на Велс се уште има потенцијал да се промени од сега до почетокот на турнирот.

Состав на Велс за Евро 2020:

Г: Вејн Хенеси (Кристал Палас)

Г: Даниел Вард (Лестер Сити)

Г: Адам Дејвис (Стоук Сити)

Д: Џејмс Лоренс (Ст. Паули)

Д: Бен Дејвис (Тотенхем)

Д: Џое Родон (Тотенхем)

Д: Крис Мефам (Бурнмаут)

Д: Крис Гунтер (Чарлтон Атлетик)

Д: Риси Норингтон-Дејвис (Шефилд Јунајтед)

Д: Нико Вилијамс (Ливерпул)

С: Џо Ален (Стоук Сити)

С: Џо Морел (Лутон Таун)

С: Итан Ампаду (Челзи)

С: Метју Смит (Манчестер Сити)

С: Џонатан Вилијамс (Кардиф Сити)

С: Кифер Мур (Кардиф Сити)

С: Арон Ремзи (Јувентус)

С: Хари Вилсон (Ливерпул)

С: Герет Бејл (Реал Мадрид)

С: Дејвид Брукс (Борнмут)

С: Тајлер Робертс (Лидс Јунајтед)

С: Том Лоренс (Дерби)

С: Раби Матондо (Шалке 04)

С: Дилан Левит (Манчестер Јунајтед)

Н: Том Локер (Лутон Таун)

Н: Рубин Колвил (Кардиф Сити)

Н: Марк Харис (Кардиф Сити)

Н: Џорџ Томас (Квинс Парк Ренџерс)

Велс има шарен состав од повеќе англиски лиги, главно составен од играчи од нисколигаши, вклучувајќи ги и Хари Вилсон и Метју Смит кои беа на позајмица од своите матични клубови оваа сезона.

Велшките навивачи ќе бидат среќни кога ќе ги видат и Арон Ремзи и Герет Бејл како се во ист тим, особено ако се знае дека тоа се случува ретко во последно време. Со двајцата играчи кои страдаат од повреди оваа сезона, сега изгледа дека сепак ќе бидат спремни за настап. Бејл особено, влезе во форма кон крајот на сезоната и тоа е голем плус за тимот.

Херојот од 2016 година, Хал Робсон-Кану, сепак е надвор од тимот. Напаѓачот на Вест Бромвич неодамна постигна гол против Ливерпул, но нема место за него во тимот од 28 фудбалери.

Кој е менаџер на Велс?

Роб Пејџ ќе го води Велс на ЕУРО 2020 како привремен менаџер, откако Рајан Гигс беше обвинет за физички напад и му беше прекинат договорот.

Пејџ го водеше Порт Вејл, Нортхемптон и младинската фудбалска селекција на Велс до 21 година во својата менаџерска кариера, откако имаше повеќе од 550 настапи во англискиот фудбал како играч.

Иако е прилично неискусен, Пејџ не е непознат за составот на Велс. Помошникот на Гигс, Пејџ постојано беше блузу Гигс и затоа нема воопшто проблем со вклопувањето во тимот. Велс под негово водство одигра одлично, заврши на првото место во групата во Лигата на нациите во ноември, а исто така и во нивните натпревари во Март беа одлични против Белгија, Мексико и Чешка.

Кој е најдобриот играч на Велс?

Не гледајте подалеку од Герет Бејл како ѕвезда во Велс. Откако Реал го позајми на Тотенхем се чини дека оживеа на меѓународната сцена и покрај тоа што се бореше за добра форма во текот на сезоната и имаше проблеми со повреди. Иако не е толку страшен како некогаш, Бејл може да го инспирира овој младе тим на Велс со своето водство.

Поддршка за поранешниот најскап играч на светот секако е Арон Ремзи од Јувентус, уште еден исклучителен играч на неговото време. Доколку овие двајца се во форма, Велс секогаш ќе има шанса за високи дострели.

Кој е најдобриот дел на тимот?

Средниот ред дефинитивно има огромен талент. Во него играат играчи од најдобрите екипи на островот, па и пошироко и токму тој дел од екипата е клучен за оваа селекција. Ампаду е одличен во дефанзивните задачи, а Робертс од Лидс како и Ремзи од Јуве во предходните дуели на Велс докажаа дека се неверојатни еден покрај друг. Ако на овие ги додадеме и бочните играчи како младиот Хари Вилсон, брзиот Левит па дури и бекот на Ливерпул, Нико Вилијамс кој е дефанзивец но знае одлично да одигра во напад, тогаш јасно е од каде ќе доаѓа најголемата опасност по противниците на Велс.

Предвидување:

Велс нема големи очекувања од овој шампионат. Сепак, таков беше случајот и на предходното Европско Првенство, па Велс дотурка до полуфиналето каде беше елиминиран од Португалија. Тешко е да се очекува реприза од тој настап. Но секако дека во група со Италија, Турција и Швајцарија и во овој формат може да се очекува пласман во следната фаза. Предвидувањата се дека Велс нема да ја мине групата, но никако не смеат да се отпишат – особено што поквалитетните Турција и Швајцарија играат доста променливо. Сепак, ние очекуваме дека Велс нема да ја мине својата група.