Денешната понуда е нешто послаба, но вечер во 21:00 го имаме финалето од Лига Европа каде што во Гдањск силата ќе ја мерат екипите на Виљареал и Манчестер Јунајтед.
Виљареал: Емери знае како се освојува Лига Европа
Генерално, впечатокот е дека фудбалерите на Виљареал дефинитивно можеа повеќе во шпанската Ла Лига оваа сезона, но делува дека сето тоа ќе се заборави доколку стигнат до трофејот во Лига Европа кое покрај освојувањето на пехарот значи и пласман во Лига на шампиони. Кога на клупата е Емери, некако гаранцијата за фантастични партии во европските натпреварувања е голема. Доказ за тоа е пласманот до овој дел каде што над сите очекувања стигнаа до големото финале. После фантастичните партии во групанта фаза, Виљареал успеа да ги елиминира Салзбург, Динамо Киев и Динамо Загреб, а на крај и големиот Арсенал. Во последното коло забележаа пораз на гостувањето кај Реал Мадрид и покрај тоа што имаа предност до самиот крај на тој натпревар.
Манчестер Јунајтед: Фантастична сезона за овој тим
Пред се треба да се каже дека Манчестер Јунајтед ја исполни својата примарна цел кога е во прашање оваа сезона, а секако тоа е пласманот во ЛШ. Имено, четата на Солскјер на крајот го зазеде второто место во Премиер лигата и тоа во многу силна конкуренција, па зад себе ги остави големите имиња како Ливерпул, Челзи, Тотенхем и Лестер. Мора да признаеме дека играа многу лошо во финишот на сезоната бидејќи на четирите последни дуели остварија само една победа и тоа во последното коло на гостувањето кај Волвс. Иако тимот од Олд Трафорд фантастично започна во ЛШ, за жал не успеа во нокаут фазата, па мораше да се префрлат во Лига Европа каде што стигнаа и до финалето. Што се однесува до комплетноста на составот Солскјер не може да смета на Џонс, Марсијал, а под голем прашалник е и Мегвајер.
Предлог
Овде мотивот за двете екипи е огромен, па искрено очекуваме натпревар полн со притисок. Како прв предлог ви нудиме ГГ со квота 1.90, а исто така може да испробате и 2 со квота 2.00 во 1xBet.
Be the first to comment